Anders Bertilsson Åsve

Frå Wikipedia – det frie oppslagsverket
Hopp til navigering Hopp til søk
Anders Bertilsson Åsve
Fødd 11. januar 1787
Kvam
Død

desember 1843

Yrke bonde, politikar

Anders Bertilsson Åsve (11. januar 17871843) var ein norsk gardbrukar, fiskar og stortingsmann frå Stod i Nord-Trøndelag.

Far hans var gardbrukar i Stod. Sjølv var han ei tid kontorist hos sorenskrivaren, før han overtok farsgarden. Han kom i økonomiske vanskar og selde då garden. Deretter budde han på Grønnesmarka i Kvam og var gards- og bygningsarbeidar. Etter han fekk publisert fleire artiklar i Trondheims-aviser vart han saksøkt av lensmannen i Stod og storbonden Coldevin ved Steinkjer og vart bøtelagt. I sine siste leveår livnærte han seg som fiskar, budde kanskje i Trondheim.

Han var 2. representant frå Nordre Trondhjems amtStortinget 1821 og og omframstortinget 1822. Både 1821 og 1822 var han medlem av Lagtinget, elles medlem av fire komitear i 1821. Mellom dei var komitear om sagbruksprivilegiar, om gjensidige rettar mellom tømmerhandlarar og bønder. Han var utskoten or riksretten 1821-22 mot Herman Wedel Jarlsberg.

Åsve deltok i desember 1843 under eit stort garnfiske i Åsenfjorden. Der drukna han.

Kjelder[endre | endre wikiteksten]

  • Lindstøl, Tallak:Stortinget og Statsraadet 1814-1914. Kristiania, 1914