Axel Bech

Axel Bech
	Axel Bech
Fødd	11. desember 1838; Modum kommune
Død	14. november 1894 (55 år)
Statsborgar av	Noreg
Parti	Høgre
Yrke	advokat, politikar
Alle verv	stortingsrepresentant (1883–1885); ordførar i Fredrikstad (1887–1888); stortingsrepresentant (1886–1888); stortingsrepresentant (1889–1891) ;

Axel Bech (11. desember 1838–14. november 1894) var ein sakførar og stortingsmann fødd på Modum. I Stortinget gjekk han med i Høgre si gruppe då denne vart danna i 1884.

Bech var son til ein prest. Han vart student i 1857 og cand. jur. i 1862. Åra 1863-69 var han fullmektig hos sorenskrivaren i Solør. Frå 1870 var han overrettssakførar i Fredrikstad. Deretter var han lagmann i Agder 1889-92, og Borgarting og Agder frå 1892 til han døydde to år etter.

Bech var stortingsrepresentant for Fredrikstad 1883-91, men var permittert 1890-sesjonen. Han var 1883-85 medlem av kyrkjekomiteen, 1886-88 av justiskomite nr 1, 1889 av konstitusjonskomiteen og 1891 av justiskomiteen. Bech var 1880-89 medlem av Fredrikstad bystyre, ordførar 1884-88. I 1893 fekk han tilbod om plass i Emil Stangs 2. regjering, men takka nei.

Han døydde 1894 i Kristiansand i rettssalen, der han nett hadde teke til med rettsutgreiinga.

Kjelder[endre | endre wikiteksten]

Lindstøl, Tallak: Stortinget og Statsraadet 1814-1914. Kristiania, 1914
Biografisk informasjon om Axel Bech NSD Norsk senter for forskningsdatas politikararkiv