Bandmaurvarslar
| Bandmaurvarslar | |
 Hannfugl i Goiás i Brasil Foto: Wagner Machado Carlos Lemes
| |
| Utbreiing og status | |
Status i verda:  Livskraftig Utbreiinga av Bandmaurvarslar | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Familie: | Maurfuglar Thamnophilidae |
| Slekt: | Thamnophilus |
| Art: | Bandmaurvarslar T. doliatus |
| Vitskapleg namn | |
| Thamnophilus doliatus | |
Bandmaurvarslar, Thamnophilus doliatus, er ein mellomstor maurfugl i den biologiske familien Thamnophilidae.
Arten er vidt spreitt i den neotropiske regionen frå Tamaulipas i Mexico, gjennom Mellom-Amerika, Trinidad og Tobago, og ein stor del av Sør-Amerika austom Andes så langt sør som nordlege Argentina, Bolivia og Paraguay. Det finst ein akseptert nordleg rekord i registrering frå det sørlege Texas.[1] Bandmaurvarslar lever i eit breitt spekter av skogkledde habitat som inkluderer hagar og parkar, i både fuktige og tørre regionar. Gjennom ein stor del av utbreiingsområdet sitt, er han blant dei vanlegaste maurfuglar.
Skildring[endre | endre wikiteksten]
 |
|
||||
| Problem med å høyra denne fila? Sjå mediahjelp. | |||||
Bandmaurvarslar er vanlegvis 16,5 cm lang, og veg 25 gram. Fjørdrakta til hannen har tette band i svart og kvitt, og har ein svart fjørtopp basert i kvitt som kan visast. Hoa er raudbrun på oversida med ein kastanjefarga kam. Sidene av hovudet og hals er streket i svart, og undersida er rikt gulbrun.
Underartane varierer først og fremst i kor mørke dei står fram, i mengda av svartkvite band og i fargetonen på undersida. Til dømes har underarten på Trinidad og Tobago T. d. tobagensis hannfuglar med lysare underside, og hoa er mørkare enn i nominatforma. Den mest karakteristiske underartan er T. d. capistratus i Caatinga i det nordaustlege Brasil, der hannar har einsfarga, svart krone utan kvite striper i og hoer har stripa strupe og svakt stripa buk. Det er òg den einaste underarten der iris er djup raudbrun til raud, men ikkje gul. Det har nyleg vorte foreslått at det bør vurderast ein eigen art av T. d. capistratus.
Dei lever vanlegvis som revirbundne par. Hoa legg to kremkvite, pupurflekka egg i eit djupt koppforma reir i ein busk, som blir ruga av begge kjønn i 14 dagar til klekking. Ungane blir flygedyktige innan 12-13 dagar.
Bandmaurvarslar er ein insektetar som lever av maurar og andre leddyr på eller nær bakken, vil iblant følgje kolonnar av vandremaurar, og vil ta små øgler og bær. Han har ein hu-hu-hu-hu-hu-hu song, ofte framført som ein duett av eit par fuglar, eller eit knurrande graaaaa.
Kjelder[endre | endre wikiteksten]
- Første utgåve av artikkelen byggjer på «Barred Antshrike» frå Wikipedia på engelsk, den 5. juli 2011
Referansar[endre | endre wikiteksten]
- ↑ Lockwood, M. W., Texas bird records committee report for 2007 Arkivert 2009-12-08 ved Wayback Machine., lest 5. juli 2011