Bent Skammelsrud
| Bent Skammelsrud | |
| Statsborgarskap | Noreg |
| Fødd | 18. mai 1966 (57 år) Sarpsborg kommune |
| Idrett | fotball |
| Tok del i | |
| Utmerkingar |
Kniksenprisen for årets midtbanespiller, Kniksens hederspris |
Bent Andre Skammelsrud (fødd 18. mai 1966) er ein tidlegare norsk fotballspelar frå Rakkestad i Østfold. I tolv sesongar spelte han på midtbana hos Rosenborg, der han var med å vinne 11 seriemeisterskap og tre cup-gull. Perioden 1987-2000 aksla den norske landslagsdrakta 38 gongar, og skåra seks landslagsmål.
Klubbspel[endre | endre wikiteksten]
Skammelsrud spelte for heimlege Rakkestad til han i 1986 melde overgang til andredivisjons-klubben Drøbak/Frogn. Han var sentral då klubben markerte seg i toppen av tabellen, og fekk sin landslagsdebut i 1987. Etter tre sesongar i Drøbak/Frogn spelte i 1989 for osloklubben og deretter i 1990 for den svenske toppklubben Malmö FF.
Våren 1991 vart Skammelsrud overført til Rosenborg. Sett vekk frå frå debutsesongen 1991, vart Skammelsrud seriemeister i kvar einaste sesong som Rosenborg-spelar. elleve i talet. Frå sin posisjon som defensiv midtbanespelar var venstrebeinte Skammelsrud ein sentral aktør då Rosenborg hevda seg i Meisterligaen i andre halvdel av 1990-åra. I januar 1998 fekk han kontrakt med den tyske klubben Bayer Leverkusen, men returnerte i mai månad til Rosenborg av familiære grunnar. Han la opp etter 2002-sesongen.
Landslagsspel[endre | endre wikiteksten]
Skammelsrud debuterte på det norske landslaget 14. november 1987 i ein kvalifiseringskamp til Sommar-OL 1988. Bortekampen mot Bulgaria i Sofia enda med tap 0-4. Det skulle gå to år til neste landskamp, men dei neste tre åra fekk han med seg ein heil del landskampar. Derimot fekk han lite speletid for Noreg i tida frå vinteren 1993 til vinteren 1997. Åra 1997-2000 var Skammelsruds beste i norsk landslagfotball, men kom likevel ikkje med i troppen til fotball-VM 1998. Under EM i fotball 2000 spelte han to av dei tre kampane Noreg deltok i. VM-kvalikkampen mot Armenia 2. september 2000 vart hans 38. og siste. Han skåra seks mål for Noreg, alle i privatlandskampar.
Merittar[endre | endre wikiteksten]
- Seriemeister: 1992, 1993, 1994, 1995, 1996, 1997, 1998, 1999, 2000, 2001 og 2002 med Rosenborg
- Noregsmeister: 1992, 1995 og 1999 med Rosenborg
Skammelsrud vart tildelt Kniksenprisen i 2001.
Kjelder[endre | endre wikiteksten]
- Denne artikkelen bygger på «Bent Skammelsrud» frå Wikipedia på bokmål, den 26. september 2015.
- Denne artikkelen bygger på «Bent Skammelsrud» frå Wikipedia på italiensk, den 26. september 2015.
 | ||