Berit Aunli

Berit Aunli
Fødd	9. juni 1956 (65 år) Stjørdal kommune
Yrke	langrennsløpar

Berit Kristine Aunli (fødd 9. juni 1956), fødd Kvello, er ein tidlegare langrennsløpar, fødd i Stjørdal i Noreg. Aunli representerte Strindheim IL. Ho er gift med Ove Aunli.

Berit Aunli tok sin første internasjonale medalje i Vinter-OL 1980, då Noreg tok gull i 4 × 5 km stafett. Gjennombrotet hennar kom under verdsmeisterkapet i Oslo i 1982, då ho vann tre gullmedaljar på 5 km, 10 km og 4 x 5 km stafett, i tillegg til at ho kom på andreplass under 20 km klassisk etter den sovjetrussiske utøvaren Raisa Smetanina. I 1981 vann ho gullmedalje på 20 km. Sesongen 1981–82 vann ho verdscupen samanlagt framføre Brit Pettersen på andre. Aunli har til saman 15 NM-titlar.

Utmerkingar

• I 1981 vart ho tildelt Sør-Trøndelag fylkes kulturpris.
• I 1982 vart ho tildelt Morgenbladets Gullmedalje.
• I 1983 fekk ho Holmenkollmedaljen, som ho delte med kombinertløparen Tom Sandberg.
• I 1983 fekk ho også Ole Vig-prisen.

Bakgrunnsstoff

• Profil hjå fis-ski.com
• Holmenkollen-medaljistar – trykk på «Holmenkollmedaljen» for nedlastbar PDF-fil
• Holmenkollen-vinnarar sidan 1892 – trykk på «Vinnere» for nedlastbar PDF-fil