Bernhard Studer

Frå Wikipedia – det frie oppslagsverket
Hopp til navigering Hopp til søk
Bernhard Studer
Fødd 5. august 1832
Gunzgen
Død

1868
München

Yrke kunstmålar
Bernhard Studer på Commons

Bernhard Studer (5. august 183222. april 1868) var ein sveitsisk landskapsmålar frå Gunzgen i kantonen Solothurn.

Liv[endre | endre wikiteksten]

Bechburg über Oensingen, ca. 1855
Rhinsk landskap, 1855
Blick ins Gäu, 1855-60

Studer var son til ein skiltmålar i Gunzgen. Fjorten år gammal begynte han i lære hos bilethoggaren Johann Georg Luthy i Olten. Han gjekk så på kunstskule i Solothurn, der vart han undervist av Gaudenz Taverna. Etter råd frå læraren slutta Studer og reiste i 1850 til kunstakademiet i München. I München fekk han så arbeid i atelieret til landskapsmålaren Karl Millner. Etter knappe to år reiste Studer tilbake til heimlandet, mest truleg av økonomiske grunnar.

Med støtte frå kantonsregjeringa i Solothurn, som gav han studiepengar, vart Studer i 1853 i stand til å reise til Düsseldorf. Der gjekk han i lære for å verte landskapsmålar, hos høvesvis Rudolf Wiegmann, Johann Wilhelm Schirmer og Hans Gude. Etter svært gode skussmål tidleg i studietida, fekk han i første kvartal 1856 avskjed «grunna rotete liv». Gjennom åra i Düsseldorf var Studer ein flittig gjest i kunstnarklubben 'Malkasten'.

Same året som han vart bortvist frå kunstakademiet i München, 1856, følgde Studer læremeisteren sin, Schirmer, til kunstakademiet i Karlsruhe. Dei komande åra var han jamnt med på vandreutstillingane som kunstforeininga i Bern arrangerte i Sveits. For måleriet Ein Gegend in Jura (Eit landskap i Jura), mottok han sølvmedalje i 1857. Også i Karlsruhe og Baden-Baden tok han ofte del i kollektivutstillingar. Tett kontakt hadde han med kunstnarar som Hans Thoma og Eugen Bracht. Etter fleire år i Karlsruhe flytta Studer i 1865 til München. Der døydde han våren 1868.

Arbeid[endre | endre wikiteksten]

Studer var i hovudsak oppteken med motiv frå heimlandet Sveits, meir presist Gäu, eit område mellom Solothurn og Olten som ligg ved foten av Jurafjella. Best kjent er to måleri av borgslottet Neu-Bechburg, eitt av dei, sannsynlegvis hans beste og største arbeid, finst på slottet. I tillegg har han også synt fram andre alpine landskap, til dømes i Det høge Göll og i Måneskin på Walensjøen. Karakteristisk for Studer er hans rolege, nesten poetiske skildringar av natur og folk i Alpane. Dessutan finst nokre få og kjenslevare bilete med scener frå gard og landsby.

Kjelder[endre | endre wikiteksten]