Christian Sommerfelt

Frå Wikipedia – det frie oppslagsverket
Hopp til navigering Hopp til søk
Christian Sommerfelt
Fødd 27. februar 1819
Død

17. juli 1903

Yrke botanikar, politikar

Christian Sommerfelt (27. februar 181917. juli 1903) var ein norsk prest og stortingsmann, fødd i Saltdal.

Sommerfelt var son til ein prest, og vart student frå Møllers institutt i 1837. Han vart cand.theol. i 1842, studerte seinare samisk, tok eksamen ved universitetet i Christiania. Etter å ha fullført dei teologiske studiane var han huslærar hos soknepresten i Asker, før han i 1845 var lærar ved ein privatskule på Lillehammer. Åra 1847-49 underviste han ved ein «høiere» allmennskule i Ringebu. Frå 1850 til -59 var Sommerfelt sokneprest i Nesseby, sidan hadde han tilsvarande embete i Etne 1859-67, i Aurdal 1867-74, før han avslutta yrkeslivet med 20 års teneste som sokneprest i Trøgstad.

Sommerfelt var i 1854 4. representant til Stortinget frå Finmarkens amt. Han var då medlem av justiskomite nr 1. På stortinget 1865-66 var han 5. representant for Søndre Bergenhus amt, medlem av gasjekomiteen.

Sommerfelt var mykje interessert i naturvitskap, og gjorde grundige botaniske studiar. Plantesamlinga si gav han til Universitetet i Oslo.

Han døydde i Kristiania.

Kjelder[endre | endre wikiteksten]