Delstaten São Paulo

For andre tydingar av oppslagsordet, sjå São Paulo (fleirtyding).

São Paulo

Delstat i Brasil
Hovudstad	São Paulo
Flatevidd  - Rangering i Brasil	248 808,8 km² 12.
Folketal (2005)  - Rangering i Brasil  - Folketettleik	40 442 795 1. 152,7/km²
Grunnlagd	1709
Offisielle språk	Portugisisk
Guvernør	Cláudio Lembo
Nettstad	www.saopaulo.sp.gov.br/
Flagg

São Paulo er ein delstat i den søraustlege delen av Brasil og har ei befolkning på om lag 38 millionar (2003). Hovudstaden heiter òg São Paulo. Delstaten er eit økonomisk og industrielt kraftsenter i Brasil og i Sør-Amerika.

Økonomi

São Paulo står for om lag ein tredjedel av Brasil sitt BNP og ein tredjedel av landet sitt energiforbruk. Delstaten har omfattande industri, dette innebér både stål-, mekanisk- og elektronikkindustri. Fleire bilkonsern har fabrikkar her og flyprodusenten Embraer har hovudkvarteret sitt i delstaten.

Innan landbruk er blant anna kaffi ein viktig inntektskjelde.

Politikk

Politikken i São Paulo er kontrollert av Arbeiderpartiet (PT) og av Sosialdemokratane (PSDB). Begge desse partia har opphav i denne delstaten. Guvernøren, Geraldo Alckmin, kjem frå PSDB, og er vald for perioden 2003-2006.

Dei to siste brasilianske presidentane, Fernando Henrique Cardoso (PSDB) og Luiz Inácio Lula da Silva (PT), bur i delstaten.

Historie

Den første busetjinga i delstaten er registrert attende til 1532, med danninga av Vila da São Vicente. I 1554 vart det etablert ein jesuitt-misjon som skulle kristne tupi-indianarane i området. Denne misjonen vart seinare til det som i dag er São Paulo by.

Delstaten fekk sitt første økonomiske oppsving på 1900-talet med etableringa av fleire kaffiplantasjar i området. For å kunne eksportere kaffien gjennom hamnebyen Santos vart det i denne perioden bygd både vegar og jernbaner.

Veksten i kaffiplantasjane gjorde at eit stort tal innvandrarar kom til delstaten frå midten av 1900-talet og utover. Desse innvandrarane kom frå land som Tyskland, Italia, Libanon og Japan. I tillegg til innvandrarar, har delstaten òg opplevd ei stor innflytting frå andre delar av Brasil, spesielt frå delstatane i nordaust.

Satellittbilde over storbyområdet São Paulo og omland

Byar

Viktige byar er São Paulo (hovudstad), Santos, Campinas, Osasco, São José dos Campos og Ribeirão Preto.

Andre byar er: Araraquara, Araçatuba, Barretos, Bauru, Franca, Jacareí, Jundiaí, Marília, Piracicaba, Presidente Prudente, São Carlos, São José do Rio Preto og Sorocaba.

Bakgrunnsstoff

• Brasil sin ambassade i London, faktaside om São Paulo
• São Paulo offisiell heimeside (Portugisisk)
• digital São Paulo