Einar Osland
| Einar Osland | |||
| Fødd | 17. desember 1886 Lavik | ||
|---|---|---|---|
| Død | 16. februar 1955 (68 år) | ||
| Statsborgar av | Noreg | ||
| Parti | Venstre | ||
| Yrke | politikar, redaktør | ||
| Alle verv |
| ||
Einar Osland (17. desember 1886–16. februar 1955) var ein norsk pressemann og politikar frå Ikjefjord i Sogn. Han var aktiv i partiet Venstre, ordførar 1947-49 i Haugesund og stortingsrepresentant 1950-53 frå kjøpstadene i Vest-Agder og Rogaland.
Osland var son til ein lærar og utdanna seg ved Stord lærarskule. Etter eksamen i 1908 underviste han nokre år i skulen, mellom anna framhaldsskulelærar i Tune i Østfold. Frå 1913 til -15 var han journalist i Drammens Dagblad, deretter i fire år redaktør av Kristiansunds-avisa Romsdalsposten. Perioden 1919-21 arbeidde han i Norsk telegrambyrå. Etter ei kort tid som redaktør for avisa Oplandet på Hamar, tok han i 1921 over som redaktør av Haugesunds Avis, ein jobb han formelt hadde livet ut.
Osland var med i Haugesund bystyre 1925-40 og 1945-55. Perioden 1931-34 var han varaordførar, sidan sat han i formannskapet til 1940. Etter 1945 på ny i formannskapet til 1947, deretter ordførar 1947-49 og så atter i formannskapet til 1951. 1946-47 var han formann i skulestyret i byen.
Gjennom stortingsvalet hausten 1945 vart Osland vald til 1. vararepresentant til Stortinget frå dei fem kjøpstadene i Vest-Agder og Rogaland fylke; Kristiansand, Mandal, Flekkefjord, Stavanger og Haugesund, vald for Venstre. Stortingsvalet 1949 førte til at han fekk fast tingsete for same valkrinsen. Dei fire åra på Stortinget 1950-53 var han medlem i Militærkomiteen.
Kjelder
[endre | endre wikiteksten]- Stortingsbiografi
- Pressefolk. Norsk presseforbund. 1939. s. 47.
- Pressefolk. Oslo: Norsk presseforbund. 1950. s. 92.
- Øvre-Eide, Rasmus (1973). Stortingsval og stortingsmenn i Sogn og Fjordane 1814-1970. Nordfjord sogelag. s. 128.
- Norske kommunalpolitikere. 2. Oslo: Bokdepotet. 1956. s. 223.