Ela av Andromache

Frå Wikipedia – det frie oppslagsverket
«Ela»
Song av Andromache

Land Hellas og Kypros
Språk Engelsk og gresk
Utgjeve 11. februar 2022
Sjanger Pop, latinopop
Lengd 03:02
Selskap Panik Records
Komponist Arash, Fifi, Giorgos Papadopoulos, Yll Limani, Robert Uhlmann
Tekstforfattar Alex P
Låtskrivar(ar) Alex Papakonstantinou, Arash, Eyelar Mirzazadeh, Fatjon Miftaraj, Filloreta Raçi Fifi, Geraldo Sandell, Giorgos Papadopoulos, Robert Uhlmann, Viktor Svensson, Yll Limani

«Ela» (gresk skrift Έλα, norsk omsetjing 'kom igjen') er ein song frå 2022 som vert framført av den greske songaren Andromache. Songen vart internt vald av den kypriotiske ålmennkringkastaren CyBC til å vere det kypriotiske bidraget til Eurovision Song Contest 2022 i Torino i Italia.

Om songen[endre | endre wikiteksten]

«Ela» er ein latinopoplåt med vers på engelske vers og refreng på gresk. Songen er skriven av eit internasjonalt låtskrivarteam som har levert ei rekkje Eurovision-bidrag tidlegare. Alex Papakonstantinou har blant anna skrive «Fuego» som Kypros fekk ein andreplass med i 2018, mens Arash deltok for Aserbajdsjan i Eurovision Song Contest 2009.[1]

Songen og artisten Andromache vart internt valde av kringkastaren CyBC til å representere Kypros i Eurovision Song Contest 2022. Artisten og songen vart annonserte under ei tv-sending 9. mars 2022, mens musikkvideoen vart lagd ut på YouTube-kanalen til Panik Records dagen etter. 11. mars 2022 vart songen tilgjengeleg på alle strøyme- og salgsplattformar.[1]

Eurovision Song Contest[endre | endre wikiteksten]

«Ela» deltok i den andre semfinalen av Eurovision Song Contest, torsdag 12. mai 2022. Der blei songen nummer 12 av 18 bidrag. Sidan songen ikkje vart blant dei ti beste i semifinalen, kvalifiserte han seg ikkje til finalen laurdag 14. mai.[2][3]

Sceneframsyninga og framføringa i Eurovision var regissert av koreografane Marvin Dietmann og Dan Shipton.[2]

Listeplasseringar[endre | endre wikiteksten]

Liste (2022) Høgaste
plassering
Flagget til Hellas Hellas (IFPI)[4] 45
Flagget til Litauen Litauen (AGATA)[5] 76

Kjelder[endre | endre wikiteksten]

  1. 1,0 1,1 «Cyprus: Andromache will sing "Ela" at Eurovision 2022». wiwibloggs (på engelsk). 9. mars 2022. Henta 13. mars 2022. 
  2. 2,0 2,1 «Cyprus: Andromache will perform Ela at Eurovision 2022 🇨🇾». Eurovision.tv (på engelsk). 9. mars 2022. Henta 13. mars 2022. 
  3. «Second Semi-Final of Turin 2022». Eurovision.tv (på engelsk). Henta 19. juni 2022. 
  4. «IFPI Charts». ifpi.gr. Arkivert frå originalen 24 May 2022. Henta 5 September 2022. 
  5. «2022 20-os savaitės klausomiausi (Top 100)» (på litauisk). AGATA. 20 May 2022. Henta 20 May 2022.