Espen Lind

Espen Lind
Fødd	13. mai 1971 (52 år)
Fødestad	Tromsø kommune
Opphav	Noreg
Aktiv	1995–
Sjanger	pop
Instrument	gitar, vokal
Plateselskap	Universal Music Group
Verka som	songar, låtskrivar, plateartist
Sambuar med	Hanneli Mustaparta
Prisar	Spellemannprisen for årets popsolist, Årets spellemann, Spellemannprisen for årets artist, Spellemannprisen for årets hit

Espen Lind (fødd 13. mai 1971) er ein norsk artist, låtskrivar og produsent frå Tromsø. Han flytta til Oslo i 1990-åra, men er no busett i Son utanfor Moss. Han har gjeve ut fem soloalbum og vunne fem spellemannprisar, og blant anna vart han kåra til «Årets spellemann» i 2008.

Solokarriere

Han debuterte under artistnamnet Sway med musikkalbumet Mmm ... Prepare To Be Swayed i 1995, men fekk det store gjennombrotet under eige namn då han i 1997 erobra Europa med singelen «When Susannah Cries», frå albumet Red. Låten låg som topp 10 i til saman elleve land, og var den låten som vart mest spelt på norsk radio i 1997. Lind mottok tre prisar under Spellemannprisen 1997: Årets popsolist, Årets låt og Årets artist. Han fekk dessutan Gammleng-prisen i popklassa i 1998.

I 2000 kom albumet This Is Pop Music som mottok relativt bra kritikkar, men som samanlikna med det førre albumet skuffa kommersielt. Den internasjonale utgåva av albumet inneheldt òg duetten «Where The Lost Ones Go» med Sissel Kyrkjebø, som i Noreg var med på Kyrkjebø sitt soloalbum All Good Things.

I 2005 dukka Espen Lind opp i rampelyset igjen med albumet April, etter fire år som plateprodusent. Den første singelen frå plata, «Unloved», gjekk rett inn på førsteplass på VG-lista, og vart liggjande på lista i 13 veker.

Soloalbumet Army Of One vart utgjeve 23. juni 2008 og hadde per 29. august 2008 passert femti tusen selde eksemplar. Under Spellemannprisen 2008 vart han kåra til «Årets spellemann».

Låtskrivar/produsent

Espen Lind på Nordkjosmessa 2007

Espen Lind driv produksjonsselskapet Espionage saman med sin mangeårige samarbeidspartnar Amund Bjørklund. I lag har dei hatt fleire hittar både i Noreg og internasjonalt, seinast i samarbeid med Tor Erik Hermansen og Mikkel Eriksen frå Stargate med Beyoncé sin største solohit «Irreplaceable». Den gjekk til topps på listene i Europa, og hadde førsteplass på Billboard Hot 100 i USA i 10 veker og vart den største låten der i 2007. Han har skrive og/eller produsert låtar for artistar som Jessica Simpson, Ne-Yo og Take That-medlem Mark Owen, og dessutan ei rekkje norske artistar som Maria Arredondo og David Pedersen. Han skreiv låten «Venn» saman med Lene Marlin på oppdrag frå Spellemannkomitéen til inntekt for offera etter flodbølgjekatastrofen i desember 2004.

Sideprosjekt

I mars 2006 la Lind ut på det som skulle vere ein kort turné med Kurt Nilsen, Alejandro Fuentes og Askil Holm. Enorm etterspurnad gjorde at turnéen vart forlenga ut heile 2006, og konsertplata Hallelujah Live vart det raskast seljande albumet i norsk historie med over 100 000 selde eksemplar på litt over ei veke. Albumet har per i dag selt over 240 000 eksemplar. Saman vann dei klassa årets hit for versjonen deira av Leonard Cohen «Hallelujah» under Spellemannprisen 2006.

Utmerkingar

• Spellemannprisen 1997 i klassane popsolist for Red, årets låt for «When Susannah Cries» og årets artist
• Gammleng-prisen 1998 i klassen pop.
• Spellemannprisen 2006 med Kurt Nilsen, Alejandro Fuentes og Askil Holm i klassen årets hit for Hallelujah
• Årets spellemann under Spellemannprisen 2008.

Album

• Mmm ... Prepare to Be Swayed (MCA, 1995) - som Sway
• Red (Universal, 1997) - som Sway
• Red II (Universal, 1998) - som Espen Lind
• This is Pop Music (Universal, 2000)
• April (Universal, 2005)
• Hallelujah - Live (Sony BMG/Universal, 2006) - med Kurt Nilsen, Alejandro Fuentes og Askil Holm
• Army of One (Universal, 2008)
• Hallelujah - Live vol. 2 (Sony BMG/Universal, 2009) - med Kurt Nilsen, Alejandro Fuentes og Askil Holm
• Til alle tider (Universal, 2019) - med Ingebjørg Bratland

Singlar

• «Yum Yum Gimme Some»
• «Blast Yer Brain»
• «American Love»
• «When Susannah Cries»
• «Baby You're So Cool»
• «Lucky For You»
• «It' a Damn Shame About You»
• «American Love»
• «Black Sunday»
• «Where The Lost Ones Go» (duett med Sissel Kyrkjebø)
• «Life Is Good»
• «Remedy» (duett med Maria Arredondo)
• «Unloved»
• «Look Like Her»
• «Million Miles Away»
• «Hallelujah» (med Lind, Nilsen, Fuentes & Holm)
• «Scared of Heights»
• «Sweet Love»

Utvald diskografi som låtskrivar

• «Irreplaceable» - Beyoncé (US#1)
• «With You» - Chris Brown (US#2)
• «Now You Tell Me» - Jordin Spark (Frå albumet Jordin Spark)
• «Just For The Record» - Jordin Spark (Frå albumet "Jordin Spark)
• «Go On Girl» - Ne-Yo (Frå albumet Because Of You)
• «One Word» - Elliott Yamin (Frå albumet Elliott Yamin)
• «I Don't Wanna Care» - Jessica Simpson (Frå albumet A Public Affair)
• «The One That Got Away» - Johnta Austin
• «Underdog» - Jonas Brothers
• «I Will Be With You» - Sarah Brightman feat. Paul Stanley
• «The Last Goodbye» - Atomic Kitten (UK#2)
• «Cry» - Kym Marsh - (UK#2)
• «Blood Sweat & Tears» - V (UK#6)
• «Baby, I'm No Good», Mark Owen
• «Hey, Soul Sister», Train
• «Brick By Brick», Train
• «Half Moon Baby», Train
• «Wild at Heart», David Pedersen, Noreg nr 1, 4 x platina
• «Standing Tall», Kjartan Salvesen, Noreg nr 1, 5 x platina

Kjelder

• Basert på ei omsetjing frå Wikipedia på bokmål fredag 1. januar 2010, klokka 16:6.

Bakgrunnsstoff

• Espen Lind – den offisielle heimesida
• Espen Lind britisk fanside
• Norsk fanside Arkivert 2010-02-13 ved Wayback Machine.
• Spotify: Espen Lind, Sway