Gaula i Sør-Trøndelag

Frå Wikipedia – det frie oppslagsverket
Gå til: navigering, søk

Gaula er ei elv som renn ut ved Gaulosen i Leinstrand i Sør-Trøndelag. I sør startar ho frå innsjøen Gaulhåen i Holtålen kommune. Gaulhåen har tilsiget sitt frå Kjølifjellet (1288 m.o.h.), som er grensefjell mellom Tydal og Holtålen. Viktige sideelver til Gaula er Rugla, med utløp frå Ruglsjøen i Røros kommune, Hesja og Hulta i Holtålen, Forda, Bua og Sokna i Midtre Gauldal og Lundesokna i Melhus kommune, og desse dannar ei stor og kjend lakselv som munnar ut i Trondheimsfjorden ved Sundet Gård i skiljet mellom Leinstrand og Byneset i Trondheim kommune. Gaula er ca. 145 km lang.

Sportsfiske[endre | endre wikiteksten]

I 2005 var Gaula beste norske lakseelv med eit oppfiska kvantum på 37,5 tonn.

Forureining[endre | endre wikiteksten]

Elva var lenge utsett for forureining (avrenning) frå gruvene Muggruva, Kjøli gruver, Killingdal gruver og gruvesjakta i Bjørgåsen. På 1980- og -90talet vart det gjort omfattande tiltak ved Kjøli og Killingdal gruver, noko som har redusert forureininga av tungmetall kraftig.

Landskapsvern[endre | endre wikiteksten]

Gaula-vassdraget vart varig verna av Stortinget i 1985 i medhald av Verneplan III for vassdrag etter å ha vore behandla i Sperstad-utvalet.

Sjå òg[endre | endre wikiteksten]

Gaula i Sogn og Fjordane (Gaularvassdraget)

Avisa Gaula

Spire Denne geografiartikkelen som har med Sør-Trøndelag å gjere er ei spire. Du kan hjelpe Nynorsk Wikipedia gjennom å utvide han.