Gløshaug kyrkje

Gløshaug kyrkje
kyrkje
Foto: kirkenorge.no
Kyrkjesamfunn	Den norske kyrkja
Bispedøme	Nidaros
Prosti	Namdal
Sokn	Harran
Fellesråd	Grong
Type	langkyrkje
Arkitekt	Bjørn Larsen
Teknikk	tømring
Material	tre
Innvigd	1689
Sitjeplassar	100
Gløshaug kyrkje 64.5348°N 12.4018°E / 64.5348; 12.4018
Wikimedia Commons: Gløshaug kirke

Gløshaug kyrkje ligg på Gartland i Grong kommune i Trøndelag. Kyrkja inngår i Namdal prosti og vart bygd som ei langkyrkje i 1689.

Historie

På plassen der kyrkja ligg, har det før vore ei stavkyrkje, sannsynleg bygd omkring 1300. 21. februar 1689 sende prost Peder Resen søknad om å få rive den «gamle brøstfeldige» stavkyrkja for å få byggje ei ny kyrkje. Det fekk han lov til, og same år starta arbeidet med ny kyrkje på Fiskum. Rekneskapen for det nye kyrkjebygget viser at kostnadene kom på 36 1/2 riksdalar og seks skilling. Då den nye kyrkja på Fiskum var teken i bruk, vart det vurdert å rive Gløshaugkyrkja for å gjere pengar på materialane.

Til alt hell kjøpte den engelske sportsfiskaren Mr. Thomas Merthyr Guest kyrkja. Guest hadde forpakta laksevald på Gartland og Rosset i 30 år og på same tid kjøpt to gardar på Gartland, deriblant garden som kyrkja står på. Etter at han døydde overtok lady Theodora Guest som eigar, og i 1908 overdrog ho kyrkja til Helmer P. Gartland, som no var eigar av garden som kyrkja står på. I 1910 skøytte Gartland kyrkja over til Harran soknekommune på visse vilkår.

Altarskapet i den gamle kyrkja vart sendt over til England, men i dag er delar av dette ført attende.

Kjelder

• Alf Henry Rasmussen, red. (1993). «Gløshaug kirke». Våre kirker. Norsk kirkeleksikon. Kirkenær: Vanebo forlag. s. 214. ISBN 82-75-27022-7. 

Bakgrunnsstoff

• Kyrkjesøk
• Eldre fotografi av Gløshaug kyrkje, fotograf: Anders Beer Wilse
• Gløshaug kyrkje i kulturminnesok.no, nettstaden til Riksantikvaren