Herman Scheel

Frå Wikipedia – det frie oppslagsverket
Herman Scheel

Statsborgarskap Noreg
Fødd 18. januar 1859
Hamar kommune
Død

29. september 1956 (97 år)

Yrke dommar, politikar
Tittel Norsk justisminister
Periode 1910-1912
Føregangar Johan Castberg
Etterfylgjar Fredrik Stang
Tittel Høgsterettsjustitiarius
Periode 1920-1929
Føregangar Karenus Kristofer Thinn
Etterfylgjar Paal Berg
Politisk parti Høgre
Medlem av Regjeringa Konow

Herman Carsten Johannes Scheel (19. januar 185929. september 1956) var ein norsk jurist, høgsterettsjustitiarius 1920-1929, og justisminister 1910–1912.[1][2]

Liv[endre | endre wikiteksten]

Scheel var fødd på Hamar. Han blei student i 1876 og cand. jur. i 1881. Etter studieopphald i Berlin og London blei han i 1887 universitetsstipendiat og dosent i rettsvitskap ved universitetet i Kristiania. I 1892 blei han dr. jur., og 1893–1898 var han konstituert som professor medan professor Francis Hagerup var statsråd. 1898–1910 og frå 1912 var han høgsterettsassessor. Han var statsråd og sjef for justisdepartementet (justisminister) i Wollert Konow si regjering frå 1. februar 1910 til 15. februar 1912, for Høgre. Frå 1912 var han dommar i Høgsterett, og frå 1920-1929 Høgsterettsjustitiarius.

Han var gift med Sara Leonore Sandberg og hadde fem born.

Scheel blei utnemnd til kommandør med stjerne av St. Olavs Orden. Han blei også tildelt storkross av Italias kroneorden.[3]

Bibliografi[endre | endre wikiteksten]

  • Om egtefællers formuesforhold (1892)
  • Forelesninger over norsk tingsræt (1901, 1905)

Kjelder[endre | endre wikiteksten]

  • Illustreret norsk konversationsleksikon, bd. VI. Aschehoug, 1913

Fotnotar[endre | endre wikiteksten]

  1. Herman Scheel i Store norske leksikon.
  2. Scheel, Herman i Merkantilt biografisk leksikon.
  3. Verdens Gang, 1. oktober 1956.