Ingvar Helle

Frå Wikipedia – det frie oppslagsverket
Hopp til navigering Hopp til søk
Ingvar Helle
Fødd12. april 1933
Larvik
Død14. mai 2003 (70 år)
Statsborgar avNoreg
PartiVenstre, Det Liberale Folkepartiet
Yrkepolitikar, advokat, undervisar
Utdanna vedUniversitetet i Oslo
Norges handelshøyskole
BarnLars Helle

Ingvar Lars Helle (12. april 193314. mai 2003) var ein norsk økonom, skulemann, advokat og politikar, fødd i Larvik og busett i Stavanger. Han var politisk aktiv i Venstre og seinare Det Nye Folkepartiet, stortingsrepresentant 1969-73. Historikaren Knut Helle var bror hans.

Liv og gjerning[endre | endre wikiteksten]

Ingvar Helle voks opp i Larvik og sidan i Hetland herad, der far hans var skuleinspektør. Etter eit år som meteorologassistent på Jan Mayen, utdanna han seg til siviløkonom ved Norges Handelshøyskole i Bergen, tok eksamen i 1958. Der etter var han lektor ved Stavanger Handelsgymnasium 1958-67. År 1962 avla han juridisk embetseksamen ved Universitetet i Oslo. Frå 1967 til 1980 var han rektor ved Stavanger Handelsskole/Ledaal videregående skole.

I 1980 byrja Helle å arbeide i oljenæringa. Han var 1981-82 personalsjef i det USA-amerikanske oljeboringsselskapet Loffland Brothers North Sea Inc, før han i tida 1982-87 hadde ymse stillingar i Statoil. Frå 1988 var han administrerande direktør i Norpipe A/S, til dess han frå 1991 til -97 på ny arbeidde i Statoil. Frå 1997 til han døydde var Helle advokat i firmaet Helle, Torall, Berven og Brygfjeld.

Helle var 1965-71 bystyremedlem i Stavanger for Venstre og 1968-71 medlem i Rogaland fylkesting. Perioden 1969-73 var han stortingsrepresentant frå Rogaland, vald inn for Venstre. Etter at Venstre-gruppa på Stortinget kløyvde seg på landsmøtet på Røros i november 1972, fylgde Helle dei utbrytarane som danna Det Nye Folkepartiet. På Stortinget var han 1969/70-sesjonen nestformann i Justiskomiteen, dei tre siste sesjonane var han sekretær i Samferdslekomiteen.

Valbolken 1980-83 møtte Helle på fylkestinget att, då som gruppeleiar for Det Liberale Folkepartiet (Det Nye Folkepartiet). I to år, 1978-80, var han landsformann i partiet. Etter Det Liberale Folkepartiet slutta seg saman med Venstre i 1988, var han medlem i landsstyret i Venstre.

Kjelder[endre | endre wikiteksten]