Isadore Singer

Isadore Singer
Fødd	3. mai 1924 Detroit
Nasjonalitet	USA
Område	matematikk
Yrke	matematikar, universitetslærar
Institusjonar	Massachusetts Institute of Technology University of California, Berkeley University of California, Los Angeles
Alma mater	University of Michigan University of Chicago
Doktorgradsrettleiar	Irving Segal
Medlem	Det Norske Videnskaps-Akademi American Mathematical Society National Academy of Sciences American Academy of Arts and Sciences American Philosophical Society

Isadore Manuel Singer (fødd 3. mai 1924) er ein amerikansk matematikar.

Han er professor ved Massachusetts Institute of Technology (MIT). Han tok doktorgraden ved University of Chicago i 1950. Singer har det meste av det yrkesaktive livet sitt arbeidd ved MIT. Han har motteke mange prisar, mellom anna American Mathematical Society sin pris for stor teneste for ålmenta i 1992, Steel-prisen for Lifetime Achievement i 2000, National Medal of Science i 1983 og Abelprisen i 2004, saman med Sir Michael Francis Atiyah. Dei fekk prisen for å ha oppdaga og bevist indeksteoremet, som knyter topologi, geometri og matematisk analyse til kvarandre, og den viktige rolla dei har hatt når det gjeld å byggje nye bruer mellom matematikk og teoretisk fysikk. Singer har òg skrive påverknadsrike lærebøker som har vore til inspirasjon for fleire generasjonar av matematikarar.

Kjelder

• Isadore M. Singer. (2011-11-29) I Store norske leksikon.