Langeoog

Langeoog
Geografi
Stad	Austersjøen
Koordinatar	53°45′N 07°29′E
Øygruppe	Dei austfrisiske øyane
Areal	19,67 km²
Administrasjon
Land	Tyskland
Delstat Landkreis	Niedersachsen Wittmund
Demografi
Folketal	2 033 (2006)
Folketettleik	103 /km²

Langeoog er ein av dei sju busette austfrisiske øyane ved kysten av Niedersachsen og Tyskland. Ho ligg i Vadehavet sør i Nordsjøen mellom øyane Baltrum i vest og Spiekeroog i aust. Ho er òg ein kommune i landkreis Wittmund. Namnet «Langeoog» tyder «Lang øy» på plattysk.

Stranda på Langeoog er 14 km lang. Sidan Langeoog har ei gjennomsnittleg høgd på berre 5 meter varierer storleiken på øya ein del med tidvatnet.

Trafikk

Langeoog har ferjesamband med Bensersiel på fastlandet. På mange av Dei austfrisiske øyane er båttrafikken avhengig av tidvatnet, men dette er ikkje eit problem for Langeoog.

Langeoog har òg ein flyplass.

Det er ikkje lov med biltrafikk på øya

Erosjon

Ved juletider i 1717 vart Langeoog delt i tre delar på grunn av ein stormflod.

Stranda og sanddynene på vestsida av øya eroderer kvart år, som på alle Dei austfrisiske øyane. Dei siste 50 åra har vestsida av Langegoog flytta seg fleire hundre meter mot aust. Alle Dei austfrisiske øyane bortsett frå Juist og Langeoog har store betongmolar i den vestlege enden for å hindre dette.

Turisme

Turisme er ein av hovudnæringane på Langeoog, og i nesten alle bygningar på øya er det gjesterom. Det er òg fleire hotel og ungdomsherberge. Øya er mellom anna populær for folk med pustevanskar på grunn av den reine lufta som er her.

Kjelder

• Denne artikkelen bygger på «Langeoog» frå Wikipedia på engelsk, den 31. mai 2007.