Lia Manoliu

Lia Manoliu
Lia Manoliu under sommarleikane 1964
Statsborgarskap	Romania
Fødd	25. april 1932 Chişinău
Død	9. januar 1998 (65 år) București
Idrett	friidrett
Tok del i	Sommar-OL 1972, Sommar-OL 1968, Sommar-OL 1964, Sommar-OL 1960, Sommar-OL 1956, Sommar-OL 1952

Lia Manoliu (25. april 1932–9. januar 1998) var ein rumensk friidrettsutøvar frå Chişinău som deltok i samtlege seks sommarleikar i tidsrommet 1952-72, og vart olympisk meister i diskoskasting i 1968.

Aktiv

Manoliu vart nummer seks i diskoskasting under dei olympiske leikane i Helsinki i 1952. Under Sommar-OL 1960 i Roma tok ho leiinga med eit kast på 52,36 m, og enda opp med bronsemedaljen. Fire år seinare vann ho i Tokyo endå ein OL-bronse, då med eit kast på 56,96 m.

Framom 1968-sesongen vart Manoliu vraka av det rumenske friidrettsforbundet, og ho måtte trene på eiga hand. Ho kvalifiserte seg til Sommar-OL i Mexico, der ho småskadd smelte til med 58,28 meter i den fyrste omgangen, eit kast som skulle vise seg å halde til olymisk gull.

Manoliu la opp etter 1972-sesongen. Hennar aller lengste diskoskast målte 62,06 m.

Medaljar og plasseringar i internasjonale meisterskap

• OL 1952 i Helsinki: Nr 6 - 42,65 m
• EM 1954 i Bern: Nr 7 - 43,86 m
• OL 1956 i Melbourne: Nr 9 - 43,90 m
• OL 1960 i Roma: Bronsemedalje - 52,36 m, bakom Tamara Press (52,59 m)
• EM 1962 i Beograd: Nr 14 - 45,02 m
• OL 1964 i Tokyo: Bronsemedalje - 56,96 m, bakom Ingrid Lotz (57,21 m)
• EM 1966 i Budapest: Nr 13 - 49, 44 m
• OL 1968 i Mexico by: Gullmedalje - 58,28 m, framom Liesel Westermann (57,76 m)
• EM 1969 i Aten: Nr 4 - 57,38 m
• EM 1971 i Helsinki: Nr 13 - 52,26 m
• OL 1972 i München: Nr 9 - 58,50 m

Kjelder

• Denne artikkelen bygger på «Lia Manoliu» frå Wikipedia på engelsk, den 2. august 2015.