Linda Haglund

Frå Wikipedia – det frie oppslagsverket
Hopp til navigering Hopp til søk
Linda Haglund

Linda Haglund.jpg

Statsborgarskap Sverige
Fødd 15. juni 1956
Enskede-Årsta-Vantör
Død

21. november 2015
Stockholm

Idrett friidrett
Yrke sprinter

Linda Haglund (15. juni 195621. november 2015) var ein svensk friidrettsutøvar frå Stockholm som vann sølvmedaljen på 100 meter i europameisterskapen 1978. Hennar svenske rekord på 11,16 sekundar frå 1980 gjeld også i 2019.

Aktiv[endre | endre wikiteksten]

Haglund var Sveriges beste sprintar på kvinnesida i tida 1974-81. I denne perioden vann ho sju SM-gull på 100 meter og fem på 200 meter. Allereie 16 år gammal deltok ho i olympiske sommarleikar. Både i EM 1974 og OL 1976 tok ho seg til semifinalane på 100 m, men rauk ut etter løp på høvesvis 11,72 og 11,41 sekundar.

Under europameisterskapen 1978 i Praha sprang Haglund inn til sølv på 100 meter, to og fire hundredels sekund føre nummer tre og nummer fire i løpet, vinnaren Marlies Göhr var i ei heilt eiga klasse. To dagar seinare vart Haglund nummer sju i finalen på 200 meter. Den 1. juli 1979 forbetra ho den svenske rekorden på 200 meter til 22,82 sekundar under eit stemne i Sittard i Nederland.

Ved dei olympiske leikane i Moskva i juli 1980 forbetra Haglund sin to år gamle nordiske rekord på 100 meter med to hundredels sekund i finalen. Tida 11,16 sekundar heldt likevel ikkje til medalje, bronsemedaljen gjekk til austtyske Ingrid Auerswald på 11,14.

Doping[endre | endre wikiteksten]

Sommaren 1981 testa Haglund under den svenske friidrettsmeisterskapen positivt på bruk av anabole steroidar. Det internasjonale friidrettsforbundet (IAAF) stengde henne ute frå idretten i 18 månader. Ho makta ikkje å kome tilbake til tidlegare sprintnivå og la opp i 1984.

Medalje og plasseringar i internasjonale meisterskap[endre | endre wikiteksten]

  • OL 1972 i München: Utslått i forsøka på 100 m (11,97 =nr 35)
  • EM 1974 i Roma: Utslått i semifinalane på 100 m (11,72 =nr 14)
  • OL 1976 i Montreal: Utslått i semifinalane på 100 m (11,41 =nr 14)
  • EM 1978 i Praha: Sølvmedalje på 100 m – 11,29. Nr 7 på 200 m – 23,07
  • OL 1980 i Moskva: Nr 4 på 100 – 11,14. Utslått i semifinalane på 200 m (23,11 =nr 12)

Kjelder[endre | endre wikiteksten]