Hopp til innhald

Linn Kristin Engø

Frå Wikipedia – det frie oppslagsverket
Linn Kristin Engø

Fødd20. september 1993 (32 år)
Flaktveit
Statsborgar avNoreg
PartiArbeidarpartiet
Yrkepolitikar
InstitusjonarBergen kommune
Utdanna vedUniversitetet i Bergen
MedlemArbeidarane si ungdomsfylking
VervOrdførar i Bergen 27. oktober 2022–25. oktober 2023
FøregangarRune Bakervik
EtterfylgjarMarit Warncke
Alle verv

Linn Kristin Langley-Rasmussen Engø (fødd 1992) er ein norsk politikar for Ap som var fungerande ordførar i Bergen kommune frå 2022 til 2023.[1][2][3]

Frå 25. april 2019 til 27. januar 2020 var ho byråd for barnehage, skule og idrett i Bergen kommune.[4] Ho vart vald som varaordførar i Bergen kommune 22. september 2021.[5]

Bakgrunn

[endre | endre wikiteksten]

Engø er fødd i Bergen og vaks opp på Flaktveit i Åsane bydel.[6]

Engø var elev ved Bergen katedralskole frå 2009 til 2012.[6] Ho har ein bachelorgrad i historie med fordjuping i midtaustenhistorie frå Universitetet i Bergen, og ein påbegynt mastergrad i demokratibygging ved same universitet.[7]

Engø har arbeidserfaring som pleieassistent ved sjukeheim, butikkmedarbeidar og frilansjournalist.[7]

Politisk karriere

[endre | endre wikiteksten]

Engø melde seg inn i AUF i ung alder. Som 17-åring måtte ho steppa inn som fungerande fylkesleiar for AUF i Hordaland etter at Tore Eikeland vart drepen på Utøya i terroråtaket 22. juli 2011.[8]

Ved kommunestyrevalet i 2011 vart Engø vald inn som varamedlem i Bergen bystyre, og ved vala i 2015 og 2019 vart ho vald inn som fast bystyrerepresentant.[9][10][11]

Engø jobba som politisk rådgjevar for byrådet Schjelderup under heile funksjonstida til byrådet (22. oktober 2015–25. april 2019); fyrst som politisk rådgjevar for skolebyråd Pål Hafstad Thorsen, og deretter for byrådsleiar Harald Schjelderup.[7]

Då Schjelderup tredde til side og Roger Valhammer danna nytt byråd 25. april 2019, vart Engø utnemnd som byråd for barnehage, skule og idrett.[4]

Engø gjekk av som byråd den 27. januar 2020 sidan partia SV, FNB, Høgre og Frp hadde meldt mistillit grunna Vigilo-saka. Saka handla om ein skoleapp som hadde fleire alvorlege tryggleikshol.[12] I juli 2020 fekk ho jobb i næringslivet.[13]

I september 2021 vart Engø vald som varaordførar i Bergen kommune og gruppeleiar for Arbeidarpartiet.[14]

I oktober 2022 rykka ho opp til vervet som ordførar då Rune Bakervik gjekk ut av rolla for å bli byrådsleiar.[15] Etter kommunevalet i 2023 vart ho erstatta av Marit Warncke frå Høgre den 25. oktober. I ei tid frem til overtkinga hadde Engø vore i permisjon, og varaordførar Eira Garrido fungerte som ordførar fram til då.[3]

Kjelder

[endre | endre wikiteksten]
  1. ↑ «Bergen kommune - Ordfører Linn Kristin Engø», bergen.kommune.no (på norsk), arkivert frå originalen 24. november 2022, henta 24. november 2022
  2. ↑ «Bergen kommune - Fungerende ordfører Linn Kristin Engø». bergen.kommune.no (på norsk). Arkivert frå originalen 20. november 2022. Henta 20. november 2022.
  3. 1 2 «Her blir Bergens nye ordfører formelt valgt, men et nytt byråd er ennå ikke satt». NRK Vestland. 25. oktober 2023. Henta 25. oktober 2023.
  4. 1 2 «Nytt byråd på plass». Bergen kommune (på norsk). Arkivert frå originalen 9. mai 2019. Henta 9. mai 2019.
  5. ↑ https://www.nrk.no/vestland/ny-ordforer-i-bergen--1.15662522
  6. 1 2 «Linn Kristin Engø (25) er ny skolebyråd. Selv strøk hun i teoretisk matte på Katten.». www.ba.no (på norsk). 27. april 2019. Henta 9. mai 2019.
  7. 1 2 3 Bergen kommune. «Curriculum vitae – Linn Kristin Langley-Rasmussen Engø» (PDF). Arkivert frå originalen (PDF) 9. mai 2019. Henta 9. mai 2019.
  8. ↑ Askvik, Kristine (12. august 2011). «Hun skal føre Hordaland AUF videre». NRK (på norsk bokmål). Henta 9. mai 2019.
  9. ↑ «Valgresultat for kommunestyrevalget 2011». Bergen kommune (på norsk). Arkivert frå originalen 9. mai 2019. Henta 9. mai 2019.
  10. ↑ «Bystyret 2015-2019». Bergen kommune (på norsk). Arkivert frå originalen 9. mai 2019. Henta 9. mai 2019.
  11. ↑ «Slik blir det nye bystyret». Bergen kommune (på norsk). Arkivert frå originalen 13. januar 2020. Henta 13. januar 2020.
  12. ↑ AS, TV 2. «Byråd i Bergen går av etter skoleapp-skandale». TV 2 (på norsk bokmål). Henta 27. januar 2020.
  13. ↑ «Politikken direkte», www.bt.no (på norsk bokmål), henta 24. november 2022
  14. ↑ «Rune Bakervik blir ny ordfører i Bergen». www.bt.no (på norsk bokmål). 23. april 2021. Henta 15. mars 2022. «Han får med seg Linn Engø som ny varaordfører i Bergen om bystyregruppen til Ap får det som de vil.»
  15. ↑ Holmquist, Tone (16. desember 2022). «Nå har Bergen fått to unge kvinner på topp». www.kommunal-rapport.no (på norsk). Henta 14. mai 2023. «Linn Kristin Engø (29) fra Arbeiderpartiet har rykket opp fra varaordfører til ordfører. Nå er 26-årige Eira Garrido (SV) blitt varaordfører.»
Henta frå «https://nn.wikipedia.org/w/index.php?title=Linn_Kristin_Engø&oldid=3615034»