Maraton

Den kenyanske maratonløparen Catherine Ndereba under VM i friidrett 2005.

Maraton er eit løp som går over 42 195 m. Løpet er rekna som svært krevjande, og ordet «maraton» blir ofte brukt for å beskrive noko som krev stort uthald.

Namnet maraton kjem frå ei gresk legende som fortel om korleis soldaten Pheidippides sprang frå byen Marathon (i dag Marathónas) i Hellas til Athen for å forkynne at perserane hadde blitt slått i slaget om Marathon. Legenda fortel at Pheidippides døydde like etter han hadde fått fortalt at grekarane hadde vunne slaget.

Standardlengda på 42 195 m er ikkje den nøyaktige distansen mellom Marathon og Athen. I OL frå 1896 til 1920 varierte maratondistansen mellom 40 km og 42,75 km. I 1921 bestemte det internasjonale friidrettsforbundet (IAAF) at standardlengda skulle vere 42 195 m. Det var den distansen som blei sprunge i OL i 1908, mellom Windsor og White City Stadium i London.

Det gjekk likevel ei tid før standardlengda blei endeleg etablert. Under EM i friidrett i Oslo i 1946 var maratondistansen på 40 200 m, og i Sverige blei standardlengda innført først i 1948.

Rekord	Kven	Nasjonalitet	Tid	Kvar	Når
Verdsrekord, menn	Kelvin Kiptum	Kenya	2.00.35	Chicago	2023
Verdsrekord, kvinner	Paula Radcliffe	England	2.15.25	London	2003
Norsk rekord, menn	Geir Kvernmo	Noreg	2.10.17	London	1987
Norsk rekord, kvinner	Ingrid Kristiansen	Noreg	2.21.06	London	1985

Kjende norske maratonløparar

• Grete Waitz
• Ingrid Kristiansen
• Karl Johan Rasmussen

Nokre norske maratonløp

• Nordmarka skogsmaraton
• Drammen maraton
• Oslo maraton
• Fredrikstad maraton
• Midnight Sun Marathon
• Hornindalsvatnet maraton

Bakgrunnsstoff

• Kondis.no, nettstad for kondisjonsidrett
• Maratonporten.net, nettstad for dei som driv med langdistanseløping
• Internasjonale maratonrekordar