Mariehamn
Mariehamn (fi. Maarianhamina) er den einaste byen og dermed hovudstaden på Åland. Han har om lag 10 500 innbyggjarar. Mariehamn vart grunnlagd i 1861, medan Finland framleis var under russisk styre. Han er oppkalla etter kona til tsar Alexander II av Russland, Maria Alexandrovna.
Skipsfart har alltid vore ein viktig industri for byen. I dag er ferjetrafikken, og turistane dei tek med seg, den viktigaste. Frå Västerhamn går det ferjer dagleg til mellom anna Stockholm, Åbo og Helsingfors.
