Mjømna

Frå Wikipedia – det frie oppslagsverket
Hopp til navigering Hopp til søk
Mjømna
Geografi
Norway - Mjømna.png
Stad Sogn
Koordinatar 60°54′50″N 04°56′07″EKoordinatar: 60°54′50″N 04°56′07″E

Areal 10,2 km²

Høgaste punkt Mjømnefjellet (194 moh.)

Administrasjon
Land Noreg Noreg
Fylke
Kommune
Sogn og Fjordane
Gulen

Demografi
Folketal 60 (2001)
Folketettleik 5,9 /km²
Mjømna
Foto: Bjarne Thune
Mjømna kyrkje
Foto: Bjarne Thune
Mjømna
Foto: Bjarne Thune

Mjømna er ei øy i Gulen kommune i Sogn og Fjordane, og eit kyrkjesokn i Nordhordland prosti. Øya har eit areal på 10,2 km² og om lag 60 innbyggjarar.

Mjømna ligg mellom Byrknesøy i vest og Sandøy i aust. Fensfjorden ligg på sørsida. På nordsida av Mjømna ligg ei rekkje mindre øyar og holmar mellom øya og Sognesjøen, den ytste delen av Sognefjorden.

Namnet Mjømna kjem frå norrønt mjǫðm som tyder 'hofte'. [1]

Næringsliv[endre | endre wikiteksten]

Fiskeoppdrett vart starta opp på 1980-talet. Mjømna Fiskeoppdrett AS var frå 1985 til 1989 ei verksemd på Mjømna. Kvernvågvatnet Klekkeri var frå 1985 til 1988 ei verksemd på Mjømna.

Mjømna sokn[endre | endre wikiteksten]

Mjømna kyrkjesokn femner den ytre delen av Gulen kommune. Soknekyrkje er Mjømna kyrkje som stod ferdigbygd i 1901. Mjømna sokn vart skild ut frå Gulen sokn ved kongeleg resolusjon 23. juni 1900.[2] Tidlegare hadde folket ytst i Gulen sokna til kyrkja i Eivindvik og det hadde for vore ei lang og ofte farleg kyrkjeferd dit for dei frå ytste øyene. I tillegg til kyrkja vest på Mjømna høyrer òg Byrknesøy kapellByrknes til soknet.

Mjømna delområde[endre | endre wikiteksten]

Mjømna er òg namnet på eit delområde i Gulen kommune. Det femner dei vestre øyene og fastlandet vestom Eidsfjorden. Ved folketeljinga i 2001 budde det 901 personar i delområdet, fordeld på 195 i Eidsbotn grunnkrins, 125 i Fivelsdal grunnkrins, 25 i Brandanger grunnkrins, 43 i Hisarøy grunnkrins, 41 i Hille grunnkrins, 128 i Mjømna grunnkrins og 344 i Byrknes grunnkrins.[3]

Samferdsel[endre | endre wikiteksten]

Fylkesveg 4 går over Mjømna. Mjømna har brusamband til Sandøya via Mjåsundbrua og til Byrknesøya via Mjømnesundbrua og Nappsundbrua.

I november 2010 vart fastlandssambandet til Ytre-Gulen fullført med opninga av Brandangersundet bru frå Fivelsdal på fastlandet til Sandøya. Sandøya, Mjømna og Byrknesøya vert såleis landfast og ferjestrekninga Leirvåg-Sløvåg-Skipavik vil berre traffikere strekninga Leirvåg-Sløvåg.

Ekspressbåtane til Fjord1 har daglege anløp på Mjømna på sine ruter mellom Bergen og Sogn/Nordfjord.

Kjelder[endre | endre wikiteksten]

Fotnotar[endre | endre wikiteksten]

Bakgrunnsstoff[endre | endre wikiteksten]