Mo kyrkje i Nord-Odal
| Mo kyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Innlandet | ||
| Kommune | Nord-Odal | ||
| Kyrkjesamfunn | Den norske kyrkja | ||
| Bispedøme | Hamar | ||
| Prosti | Solør, Vinger og Odal | ||
| Sokn | Mo | ||
| Fellesråd | Nord-Odal | ||
| Type | Åttekant | ||
| Arkitekt | Christian H. Grosch | ||
| Teknikk | Tømmer | ||
| Material | Tre | ||
| Innvigd | 1864 | ||
| Skip | Åttekant | ||
| Kyrkjegard | Ved kyrkja | ||
| Altartavle | «Jesu dåp», kopi etter Adolph Tidemand | ||
| Sitjeplassar | 500 | ||
 Mo kyrkje 60°25′44″N 11°38′08″E / 60.42888889°N 11.63555556°E | |||
| Wikimedia Commons: Mo kirke, Nord-Odal | |||
Mo kyrkje er ei kyrkje på Stormoen i Nord-Odal kommune. Den er soknekyrkje for Mo i Odal. Rasmussen reknar bygget som nygotisk.[1]
Dagens kyrkjebygg er ei åttekantkyrkje i tre som blei innvigd 6. desember 1864 av biskop Halvor Folkestad. Kyrkja er bygd etter ein teikning av arkitekt Christian Heinrich Grosch og har 500 plassar. Altertavla er frå 1880 og er ein kopi av Adolph Tidemands måleri: «Jesu dåp». Originalen er i Trefoldighetskirken i Oslo. Tvillingbrørne Gudbrand og Bernt Morterud laga ramma.
Sør for gardstunet på Stormoen låg det ei tidlegare kyrkje frå 1768. Staden der heiter no Jurmo kyrkjegard etter det gamle namnet på garden (gamalnorsk: Júgramór), som igjen har namn etter åa Jura som renn ut i Storsjøen i Odal. Den tidlegare kyrkja vart i 1840 vurdert som «i god stand», men i 1850 «på grunn av trekk og elde, nesten kassabel». Den nye kyrkja var oppført der den står no i 1868. På den gamle kyrkjegarden er det berre graver igjen og steinar som viser kor kyrkja sto. Steinar frå denne kyrkja var brukt i muren på kapellet frå 1931 på den nye kyrkjegarden i Mo.[1]
Truleg er Mo den yngste kyrkjestaden frå mellomalderen i Odalen, men den første kyrkja på Mo stod truleg ferdig før år 1200. Denne kyrkja sto truleg på den gamle kyrkjeplassen og var i katolsk tid vigd til Sankt Mikael. Den vart også omtala som Yngra Mo eller Jugramo.[2]
Kjelder
[endre | endre wikiteksten]Bakgrunnsstoff
[endre | endre wikiteksten]- «Mo kyrkje i Nord-Odal». Kirkesøk. Den norske kyrkja.
- Mo kyrkje i Nord-Odal i kulturminnesok.no, nettstaden til Riksantikvaren