Odd Dahl

Frå Wikipedia – det frie oppslagsverket
Hopp til navigering Hopp til søk
Odd Dahl
Odd Dahl.jpg
Fødd3. november 1898
Drammen
Død2. juni 1994
Bergen
NasjonalitetNoreg
Yrkefysikar, ingeniør, flygar
InstitusjonarUniversitetet i Bergen
MedlemDet Norske Videnskaps-Akademi

Odd Dahl (fødd 3. november 1898 i Drammen, død 2. juni 1994 i Bergen) var ein norsk ingeniør og flygar. Trass i særs lite formell utdanning gjorde Odd Dahl ein særs oppsiktsvekkande internasjonal karriere.

Han deltok som flygar på Maud-ekspedisjonen til Roald Amundsen. Då Maud-ekspedisjonen var over drog han på ein ekspedisjon til Sør-Amerika som han skildra i boka Med muldyr og kano gjennom tropisk Sydamerika (1927). I løpet av Maud-ekspedisjonen utvikla Dahl seg til ein særs kompetent instrumentmakar, og denne kunnskapen førte han etter ekspedisjonen var over til ei stilling i 1927 ved Carnegie Institute i Washington D.C., der han kom med i den kjernefysiske forskinga. I 1936 vart Dahl tilslutta Christian Michelsens institutt i Bergen der han seinare bygde tre Van de Graaff-generatorar og ein betatron. Mellom anna bygde han ein Van de Graff-generator som vart brukt til strålebehandling ved Haukeland sjukehus, og ein ved Universitetet i Bergen for vitskapleg bruk. Han hadde den tekniske leiinga ved planlegginga og bygginga av den første kjernereaktorenKjeller. Odd Dahl deltok sentralt i dei innleiande internasjonale arbeidsgruppene som førte til opprettinga av CERN og han og var 1953–54 leiar for den gruppa som planla bygginga av proton-synkrontron-maskinen ved CERN-laboratoriet i Genève.

Dahl var òg engasjert i arbeidet med bruk av rakettar for utforsking av den øvre atmosfæren, og var engasjert i oppbygginga av Andøya Rakettskytefelt. Han hadde òg konstruksjonsansvar for Solobservatoriet på Harestua og Haldenreaktoren.

Prisar og utmerkingar[endre | endre wikiteksten]

Filmografi[endre | endre wikiteksten]

Kjelder[endre | endre wikiteksten]