Olav Kjelbotn

Frå Wikipedia – det frie oppslagsverket
Hopp til navigering Hopp til søk
Olav Kjelbotn
Fødd 5. oktober 1898
Fosnes
Død

17. mai 1966
Namsos

Yrke langrennsløpar

Olav Kornelius Kjelbotn, tidlegare Kristoffersen (fødd 5. oktober 1898 i Fosnes, død 17. mai 1966 i Namsos)[1] var ein norsk langrennsløpar som konkurrerte på 1920-talet.

Idrettskarriere[endre | endre wikiteksten]

Kjelbotn vann 30 km i NM 1924 på Voss. Han slo Thorleif Haug som nettopp hadde vunne tre gull i OL 1924 i Chamonix.[2] Han tok den første medaljen til Noreg i eit ski-VM då han vart nummer tre på 50 km i VM 1926 i Lathis.[2] I Holmenkollrenna vann han femmila i 1926 og kombinert i 1928.[2]

Kjelbotn var skimakar, og han produserte sin eigen skismørjing, Kjelbotn Spesial.[2]

Grønland og Antarktis[endre | endre wikiteksten]

Norges Svalbard- og Ishavsundersøkelser, forløparen til Norsk Polarinstitutt[3], starta i 1929 med vitskaplege sommerekspedisjonar til Aust-Grønland, og Kjelbotn var med på den første ekspedisjonen frå 1929 til 1931.[4]

I 1932–33 deltok Kjelbotn saman med Hallvard Devold som mannskap på kaptein Hjalmar Riiser-Larsen sin ekspedisjon til Antarktis. Dei skulle gå med hundespann langs kysten frå Enderby Land til Weddellhavet. Isen, der dei hadde lossa alt utstyr for eitt års overvintring, braut opp alt første natta. Dei tre dreiv til havs på eit isflak medan dei fleste hundane dreiv av stad på eit anna isflak og forsvann. Devold og Kjelbotn veksla på å trå på ein ergometersykkel med dynamo som leverte straum til ein liten kortbølgjeradiosendar. Etter vel to døgns dramatisk sykling og morsing, der vind og sjø stadig braut isflaket deira mindre og mindre, fekk dei omsider kontakt med ein norsk kvalbåt og vart redda saman med fire hunder.[5]

Merittar[endre | endre wikiteksten]

Kjelder[endre | endre wikiteksten]

Bakgrunnsstoff[endre | endre wikiteksten]