Olivenkronefamilien
| Olivenkronefamilien | |
 Raudnebbtanagar, Lamprospiza melanoleuca Foto: Doug Janson
| |
| Utbreiing | |
 Utbreiinga av Olivenkronefamilien | |
| Systematikk | |
| Underrekkje: | Virveldyr Vertebrata |
| Overklasse: | Tetrapodar Tetrapoda |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Sporvefuglar Passeriformes |
| Underorden: | Passeri |
| Familie: | Olivenkronefamilien Mitrospingidae 2012 |
Olivenkronefamilien er ein biologisk familie av fire artar mellomstore sporvefuglar med utbreiingsområdet i Mellom-Amerika og Sør-Amerika.
Dei fire artane var tidlegare medlemmer av tanagarfamilien, Thraupidae, men frå 2017 er sett inn i sin eigen familie med det vitskaplege namnet Mitrospingidae.[1]
Fjørdraktene til tre av artane er gjennomgåande i olivengrønt til gult, raudnebbtanagar skil seg ut med sin drakt i svart og kvitt. Alle artane er knytt til relativt fuktige og lågtliggande skogshabitat, tepuiolivenkrone opptil 1800 moh. Dette er standfuglar. Dei er klassifiserte som globalt livskraftige, LC, av IUCN.
Artslista[endre | endre wikiteksten]
Olivenkronefamilien i rekkjefølgje etter eBird/Clements Checklist v2019[2] med norske namn etter Norske navn på verdens fugler:[3]
- Slekt Mitrospingus
- Maskeolivenkrone, Mitrospingus cassinii, Dusky-faced Tanager, Lawrence, 1861, (LC)
- Kroppslengde på 18 centimeter, lever langs atlanterhavskysten av Mellom-Amerika sør for Mexico, sør til Colombia og sørover langs stillehavskysten til nordlege delar av Ecuador.
- Tepuiolivenkrone, Mitrospingus oleagineus, Olive-backed Tanager, Salvin, 1886, (LC)
- Ca 19 cm i kroppslengd. Lever i et avgrensa tepui-område rundt trestatsgrensa Brasil, Venezuela, Guyana.
- Slekt Lamprospiza
- Raudnebbtanagar, Lamprospiza melanoleuca, Red-billed Pied Tanager, Vieillot, 1817, (LC)
- Kroppslengde på 17-18 cm, kjenneleg med svart overside, kvit underside og raudt nebb. Stort utbreiingsområde frå austlege Peru tvers over Amazonas av Brasil til nordaustre Brasil og Guyanaregionen.
- Slekt Orthogonys
- Klortanagar, Orthogonys chloricterus, Olive-green Tanager, Vieillot, 1819, (LC)
- 18-19 cm. Lever nokså kystnært langs atlanterhavskysten av søraustre Brasil, omtrent mellom Rio de Janeiro og sørover til kysten av delstaten Santa Catarina.
Kjelder[endre | endre wikiteksten]
- del Hoyo, J., Elliott, A., Sargatal, J., Christie, D.A. & de Juana, E. (eds.). Handbook of the Birds of the World Alive. Oppslag på artar i Mitrospingidae, Lynx Edicions, Barcelona. Henta 21. desember 2019
- Referansar
- ↑ Clements, J. F., T. S. Schulenberg, M. J. Iliff, B.L. Sullivan, C. L. Wood, and D. Roberson (august 2014), The eBird/Clements checklist of birds of the world: Updates & Corrections – August 2017, page 652, Mitrospingidae (Mitrospingid Tanagers, Cornell Lab of Ornithology, henta 21. desember 2019
- ↑ Schulenberg T.S.; M. J. Iliff; S. M. Billerman; B. L. Sullivan; C. L. Wood; T. A. Fredericks. (august 2019), eBird/Clements Checklist v2019 (CSV), Cornell Lab of Ornithology, henta 22. desember 2019
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. med oppdateringar i 2017. Norsk Ornitologisk Forening sin nettstad (publisert 21.12.2017)
Bakgrunnsstoff[endre | endre wikiteksten]
Wikimedia Commons har multimedia som gjeld: Olivenkronefamilien