Peter Castberg

Peter Castberg
Fødd	22. juli 1794 Bergen
Død	10. juni 1858 (63 år)
Statsborgar av	Noreg
Religion	Den evangelisk-lutherske kyrkja
Yrke	politikar, offiser, ordførar, luthersk prest
Far	Tycho Diderich Isaksen Castberg
Barn	Johan Christian Tandberg Castberg, Tycho Frederik Edvard Castberg, Christopher Castberg
Alle verv	stortingsrepresentant (1830–1832) ordførar i Larvik (1837–1838) ordførar i Larvik (1840–1840) stortingsrepresentant (1833–1835) stortingsrepresentant (1836–1838) stortingsrepresentant (1839–1841) stortingsrepresentant (1842–1844) parlamentsmedlem

Peter Hersleb Harboe Castberg (22. juli 1794–10. juni 1858) var ein norsk offiser, prest og stortingsmann. Johan C.T. Castberg var sonen hans.

Castberg var fødd i Fredrikshald, der far hans var magasinforvaltar. Sjølv vart han kadett i 1804, sekondløytnant i sønnafjellske infanteriregiment 1808, premierløytnant i 1811. Han deltok i oppmålingsarbeid i Vestfold i 1811 og 1813 og i felttoget mot den svenske fienden i 1814. År 1818 gjekk han over i 1. akershusiske brigade. Etter å ha teke artium i 1823 og teologisk embetseksamen i 1826 tok han avskjed frå militærtenesta. Han var sokneprest i Kviteseid 1827-33, Larvik 1833-46 og Sande i Vestfold 1846-58.

Castberg representerte Bratsberg amt på Stortinget i 1830 og 1833. I 1836, 1836-37, 1839, 1842 var han stortingsrepresentant for Larvik og Sandefjord. Han var på alle tingsamlingane formann i militærkomiteen. I 1833 var han medlem av komiteen om kjøpstadskatten, 1836-39 medlem av valkomiteen.

Han døydde i 1858 i København, under ei vitjing hos ei dotter.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Peter Castberg ved PolSys hos Sikt – Kunnskapssektorens tjenesteleverandør