Piotr Leciejewski
 | |||
| Fødd | 23. mars 1985 | ||
|---|---|---|---|
| Fødestad | Legnica | ||
| Seniorkarriere* | |||
| År | Lag | Kampar (Mål) | |
| 2004–2006 2005 2006–2007 2007 2008–2010 2011–2017 2018–2019 |
Górnik Zabrze GKS Katowice Górnik Łęczna Korona Kielce Sogndal Brann Zagłębie Lubin |
0 (0) 1 (0) 17 (0) 0 (0) 80 (0) 183 (0) 2 (0) | |
| * Seniorklubbkampar og mål berre telt for nasjonal liga og oppdatert 4. juli 2019 | |||
Piotr Leciejewski (fødd 23. mars 1985) i Legnica, er ein polsk tidlegare fotballspelar som var målvakt.
Han er vorte skildra som ein vinnartype med eit sterkt konkurranseinstinkt,[1] og er mellom anna kjend for stor rekkevidd og reaksjonsevne, særleg evna til å redde straffespark.[1]
Karriere
[endre | endre wikiteksten]Leciejewski starta karrieren sin i Górnik Łęczna, før han drog til Korona Kielce. Han kom til norsk fotball på lån til Sogndal i 2008 og debuterte for Sogndal i ein bortekamp mot Bryne i Adeccoligaen. Leciejewski vart henta inn fordi førstekeeper Terje Skjeldestad vart skadd. Etter å ha imponert for klubben vart overgangen gjort permanent og han vart ei viktig brikke då Sogndal rykte opp til Tippeligane før 2011-sesongen.[1] Leciejewski spelte tre sesongar og nesten 100 obligatoriske kampar for Sogndal.
Brann prøvde i lang tid å få tak i Leciejewski og han vart etter kvart klar for Brann i januar 2011 i ein bytehandel der Cato Hansen og Kenneth Udjus gjekk til Sogndal. Leciejewski fekk eit brot i fingeren under sesongoppkjøringa og det tok derfor noko tid før han fekk starte, og Håkon Opdal fortsette i Brann-målet. Då kontrakten til Opdal ikkje vart forlenga mot slutten av 2011, vart det klart at Leciejewski var tiltenkt rolla som førstekeeper for 2012. Han skreiv ny kontrakt med Brann i februar 2012 for perioden ut 2015-sesongen. Leciejewski vart skadd i skuldra i starten av sesongen, noko som gav reservekeeperane Jørgen Mohus og Øystein Øvretveit speletid i løpet av sesongen. Dei siste tre kampane stod Leciejewski over for å kvile skuldra. Trass i dette vart Leciejewski kåra til «Årets Brann-spelar» av supporerane Bataljonen, i tillegg til dei to lokalavisene Bergensavisen og Bergens Tidende.[2][3]
I bortekampen til Brann mot Lillestrøm i 2012 scora Erik Mjelde utan vilje då han skulle spele tilbake ballen som hadde vorte spelt utover sidelinja for at ein skadd spelar skulle få behandling. Brann-spelarane vart samde om at det ville vere mest «Fair Play» å la LSK få eit mål attende, men trass i at utespelarane til Brann let LSK få gå uhindra mot mål, prøvde Leciejewski å stoppe målet.[1]
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Kjelder
[endre | endre wikiteksten]- 1 2 3 4 Spelarprofil på brann.no, arkivert frå originalen 21. juli 2013, henta 17. mai 2013
- ↑ «Leciejewski årets spiller i BA med suveren margin». 19. november 2012. Henta 17. mai 2013.
- ↑ «Her er årets Brann-spiller». Henta 17. mai 2013.
Bakgrunnsstoff
[endre | endre wikiteksten]- Piotr Leciejewski (90minut.pl)