Rasmus Buset
| Rasmus Buset | |
| Fødd | 1. mai 1891 |
| Død | |
Rasmus Kornelius Buset (1. mai 1891–1. april 1965) var ein norsk lærar og museumsgrunnleggjar frå Vartdal på Sunnmøre.
Buset var son av Johannes Rasmusson Buset (1851-1909) og Elina Berntsdotter Hustad (1857-1930). Han var nummer tre i ein søskenfolkk på sju. Buset tok lærarskuleeksamen i Volda i 1915, og gjekk lærarhøgskulen i 1924. Han var lærar Bjerangen og Kilvik i Helgeland 1915-16, Rovde på Sunnmøre 1916-17, Årsetdalen i Vartdal 1917-19, Vestoppland folkehøgskule 1919-20, Sunnmøre fylkesskule 1920-24 . Buset var lærar i Ålesund frå 1923, og skuleinspektør i perioden 1948-58.
Rasmus Buset var svært sentral i arbeidet med å skipe Sunnmøre Museum, i 1931. For dette arbeidet fekk han kongens fortenestmedalje i gull i 1951. Han var styreformann og leiar for museet 1934-48.
Saman med Olai Bjørlykke gav han ut boka Frå gamal og ny tid på Sunnmøre i 1934.
Han fekk stipend frå Nansenfondet for å skrive ned sogeminne frå Sunnmøre.
Buset var gift med Sigfrid Dahle, fødd 27. juli 1898 i Volda. Dei fekk to søner.
Buset busette seg i Volda etter han vart pensjonist, og døydde der.
Kjelder[endre | endre wikiteksten]
- Edvard Molvær: Føregangsmannen for fortida i 100 år 100 navn. Personer som har preget Nordvestlandet. Sunnmørsposten Forlag 2000
- Norske skulefolk, Red. Karl Bakke. Dreyer forlag, MCMLII, Stavanger 1952.