Smedjebackens kommun
| Smedjebackens kommun | |||
| kommune | |||
 | |||
|
|||
| Land |  Sverige | ||
|---|---|---|---|
| Len | Dalarnas län | ||
| Landskap | Dalarna | ||
| Centralort | Smedjebacken | ||
| Areal | 1 063,77 km² | ||
| • land | 953,89 km² | ||
| • vatn | 109,88 km² | ||
| Folketal | 10 715 | ||
| Folketettleik | 11 / km² | ||
 Smedjebackens kommun 60°08′00″N 15°25′00″E / 60.133333333333°N 15.416666666667°E | |||
 Kart som viser Smedjebackens kommun.
| |||
| Wikimedia Commons: Smedjebacken Municipality | |||
| Nettstad: www.smedjebacken.se | |||
Smedjebackens kommun er ein kommune i Dalarnas län i Sverige. Kommunen grensar til tre andre kommunar i Dalarnas län, Ludvika kommun i vest og Säters kommun og Hedemora kommun i nord. I tillegg grensar han til Ljusnarsbergs kommun og Lindesbergs kommun i Örebro län i sørvest og Norbergs kommun, Fagersta kommun og Skinnskattebergs kommun i Västmanlands län i aust og søraust. Administrasjonssenteret i kommunen er Smedjebacken.
Smedjebacken er ein gammal bruksort som ligg ved sjøen Barken i vassystemet til Kolbäcksån. Gjennom tettstaden renn vatnet ned mot Mälaren gjennom Strömsholms kanal via Fagersta, Virsbo, Surahammar, Hallstahammar og Kolbäck. Sørvest i kommunen renn vassystemet til Hedströmmen ned mot Mälaren via Köping.
Landskapet i kommunen er kupert og oppsprokke. Det er mange vatn og mykje myrmark. Smedjebackens kommun er ein del av Bergslagen og har lange gruvetradisjonar, men i dag har industriproduksjon teke over mykje med mellom anna stål- og verkstadindustri. Mange i kommunen pendlar, og då særleg til Ludvika.
Administrativ historikk
[endre | endre wikiteksten]Municipalsamhället Smedjebacken vart i 1895 innlemma i Norrbärke landskommun. Dette området fekk i 1918 namnet Smedjebackens köping og braut ut av Norrbärke kommun. Ved kommunereforma i 1952 vart Malingsbo kommun slått saman med Söderbärke kommun. Det vart ikkje gjort forandringar i Smedjebackens köping og Norrbärke landskommun. I 1967 vart Norrbärke innlemma i köpingen. I 1971 vart denne gjord om til Smedjebackens kommun, og i 1974 vart også Söderbärke innlemma.
Kommunevåpenet
[endre | endre wikiteksten]Blasonering: Eit delt skjold, det øvste feltet i sølv med ein raud tomasta seglbåt med sette segl, det nedste feltet i raudt med tre raude tannhjul, to øvst og eitt nedst.[1]
Våpenet vart fastsett for köpingen i 1947. Slk det var vanleg i Dalarna, hadde også Norrbärke og Söderbärke eigne våpen. Desse gjekk ut av bruk og våpenet til köpingen vart registrert for kommunen i 1980.
Tettstader
[endre | endre wikiteksten]Det er seks tettstader i Smedjebackens kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
| Nr. | Tettstad | Folketal |
|---|---|---|
| 1. | Smedjebacken | 5 121 |
| 2. | Söderbärke | 939 |
| 3. | Ludvika1 | 392 |
| 4. | Hagge | 382 |
| 5. | Vad | 302 |
| 6. | Gubbo | 227 |
1 Ein mindre del av tettstaden ligg i Smedjebackens kommun, mesteparten ligg i Ludvika kommun.
Kjelder
[endre | endre wikiteksten]- Artikkelen var opphavleg basert på ei omsetjing av «Smedjebackens kommun» på Wikipedia på svensk.
- «Smedjebacken – kommune» på Store Norske Leksikon.
Fotnote
[endre | endre wikiteksten]- ↑ «Sköld delad, övre fältet silver, vari en röd tvåmastad segelbåt med seglen satta, undre fältet rött, vari tre kugghjul av silver, ordnade två och ett.».
