Sverre Magnus av Noreg

Frå Wikipedia – det frie oppslagsverket
Sverre Magnus av Noreg

FøddSverre Magnus
3. desember 2005
Rikshospitalet
TittelPrins av Noreg
Alle titlarprins
Hus eller slektSchleswig-Holstein-Sonderburg-Glücksburg
LandNoreg
MorMette-Marit
FarHaakon Magnus

Sverre Magnus (fødd 3. desember 2005 i Oslo) er prins av Noreg og det yngste barnet til kronprins Haakon Magnus av Noreg og kronprinsesse Mette-Marit av Noreg. Han er det andre barnet til kronprinsparet og det tredje til kronprinsessa.

Sverre Magnus er nummer tre i rekkja over arvingar til den norske trona, etter faren sin og systera prinsesse Ingrid Alexandra av Noreg. Han er nummer 75 i rekkja over arvingar til den britiske trona, etter far sin, men før systera prinsesse Ingrid Alexandra av Noreg.

Prins Sverre Magnus har ikkje tittelen Den Høgvørde Prinsen. Fødselsdagen til prinsen blir ikkje offisiell flaggdag, og det skal heller ikkje salutterast frå anlegga til Forsvaret ved framtidige fødselsdagar.

Sverre Magnus blei fødd på Rikshospitalet i Oslo klokka 10.45 laurdag 3. desember 2005. Han var 52 centimeter lang og vog 3944 gram. Namnet blei offentleggjort av kongen og kronprinsen i ekstraordinært statsrådSlottet måndag 5. desember 2005 klokka 09.00. Statsminister Jens Stoltenberg meldte namnet til pressa som var samla utanfor Slottet rett etter avslutta statsråd.

Han blei døypt 4. mars 2006 i Slottskapellet. Han blei boren til dåpen av farmora si, dronning Sonja. Dei andre fadderane var Espen Høiby, dronning Máxima av Nederland, kronprins Pavlos av Hellas, prinsesse Rosario av Bulgaria, Bjørn Steinsland og Marianne Gjellestad.

Titlar, tiltaleformer, dekorasjonar og våpenskjold[endre | endre wikiteksten]

Titlar og tiltaleformer[endre | endre wikiteksten]

Prins Sverre Magnus av Noreg

  • 3. desember 2005–i dag: Prins Sverre Magnus av Noreg

Dekorasjonar[endre | endre wikiteksten]

Fotnotar[endre | endre wikiteksten]

  1. Tildeling av Kong Harald Vs jubileumsmedalje 1991–2016, Kongehuset
  2. «Utnevnelse til St. Olavs Orden». www.kongehuset.no (på norsk). Henta 2. desember 2023. 

Bakgrunnsstoff[endre | endre wikiteksten]