Svetlana Sjkolina

Frå Wikipedia – det frie oppslagsverket
Hopp til navigering Hopp til søk
Svetlana Sjkolina
Svetlana Shkolina Daegu 2011.jpg
Verkeleg namn Светлана Владимировна Школина
Statsborgarskap Russland
Fødd 9. mars 1986
Jartsevo
Idrett høydehopp, friidrett
Yrke høydehopper, friidrettsutøvar

Svetlana Vladimirovna Sjkolina (fødd 9. mars 1986) er ein russisk friidrettsutøver som tevlar i høgdehopp. Ho vart verdsmeister i øvinga i Moskva i 2013. Personleg rekord er på 2,03 meter.

Aktiv[endre | endre wikiteksten]

Svetlana Sjkolina under VM 2013 i Moskva

Sjkolina deltok i si fyrste store meisterskapstveling i Beijing under Sommar-OL 2008, der ho vart nummer 14 med 1,93 meter. Året etter kom ho på sjetteplassen i VM i friidrett 2009 i Berlin, etter å ha gått over 1,96 m.

I friidretts-EM 2010 i Barcelona vart ho ståande med 1,97 m og fjerdeplass, utan heilt å melde seg på i medaljekampen. Med same høgda enda ho som nummer fem ved friidretts-VM 2011 i Daegu.

Sjkolina nådde eit høgre nivå i 2012-sesongen. Under sommarleikane i London var ho ein av tre deltakarar som klarde å svinge seg over 2,03 m. Ettersom ho måtte ha tre forsøk på høgda, enda ho opp med bronsemedaljen, landskvinna Anna Tsjitsjerova gjekk også over 2,05 meter og vart olympisk meister.

I 2013 var det klart for verdsmeisterskap i Moskva. Her vart Skjolina åleine om å ta seg over 2,03 m, noko ho gjorde i fyrste forsøk, og tok gullmedaljen framom Brigetta Barrett frå USA som måtte ta til takke med sølv, slik ho hadde gjort i London-OL året før.

Kjelder[endre | endre wikiteksten]