Tonje Angelsen

Frå Wikipedia – det frie oppslagsverket
Hopp til navigering Hopp til søk
Tonje Angelsen
Tonje Angelsen Helsinki 20012.jpg
Fødd 17. januar 1990
Trondheim
Yrke friidrettsutøvar

Tonje Angelsen (fødd 17. januar 1990) er ein friidrettsutøvar frå Trondheim. Ho vart norsk meister i høgdehopp i 2011. I 2012 vann ho EM-sølv i Helsingfors med eit hopp på 1,97 m.

Aktiv[endre | endre wikiteksten]

Angelsen slo gjennom i 2006-sesongen, då ho sette norsk aldersrekord for 16-åringar med eit bestehopp på 1,82 meter. Under noregsmeisterskapen same året fekk ho bronsemedaljen etter å ha hoppa 1,81 m, to centimeter bak noregsmeisteren Stine Kufaas og med same resultat som sølvvinnaren Anne Gerd Eieland.

Både i 2007 og 2008 sleit ho med ei korsbandskade, og fyrst i 2009 kunne ho atter måle seg mot dei beste norske. Ho erobra sølvmedaljen under NM 2009 på Lillehammer med 1,84 m, Stine Kufaas vann gullet med 1,87 m.

I juni 2010 sette Angelsen ny personleg rekord med 1,89 m under Tyrvingleikane i Bærum. To månader seinare kom ho på bronseplassen under NM i friidrett 2010 i Sandnes. Ho hoppa då 1,81 m og var dermed åtte centimeter bak gull- og sølvvinnarane.

I februar 2011 vann ho NM innandørs med ny personleg rekord på 1,91 m. Under EM i friidrett innandørs 2011 i Paris tre veker seinare forbetra ho persen til 1,92 m. Sommarsesongen starta med fleire hopp over 1,89 m. 16. juli, under EM i friidrett for utøvarar under 23 år i Ostrava klarte ho atter å kome over 1,92 m-lista og vart nummer fire. Midt i august månad vart ho noregsmeister i høgdehopp for fyrste gong, då ho under noregsmeisterskapen i Breim noterte seg for 1,86 m, same høgda som Kufaas, men med færre riv enn den tidlegare klubbkameraten. Ho deltok i VM i friidrett 2011 i Daegu i Sør-Korea, men klarte ikkje å kvalifisere seg til finalen.

Angelsen starta 2012-sesongen med å hoppe 1,93 under eit innandørsstemne i Trondheim i januar. Same høgda nådde ho då ho ein månad seinare vart nordisk innandørsmeister. 24. mai forbetra ho sin personlege rekord til 1,95 m under eit stemne på Bislett stadion i Oslo. Under EM i friidrett 2012 i Helsingfors sette ho 28. juni personleg rekord med 1,97 m og vann sølvmedaljen i høgdehopptevlinga, europameisteren Ruth Beitia frå Spania stoppa på same høgda, men hadde færre riv. Angelsen skal også delta under Sommar-OL 2012 i London. [1]

Kjelder[endre | endre wikiteksten]

Fotnotar[endre | endre wikiteksten]

Bakgrunnsstoff[endre | endre wikiteksten]