Tore O. Sandvik

Tore O. Sandvik
Tore Onshuus Sandvik Foto: Jarle Vines
Fødd	31. august 1969

Tore Onshuus Sandvik (fødd 31. august 1969), oppvaksen på Kolstad i Trondheim, er ein norsk politikar frå Arbeidarpartiet.

Han er fylkesordførar i Sør-Trøndelag fylke, og vart valt på nytt ved lokalvalet i 2007 etter at Arbeidarpartiet gjekk fram med 10,5 prosentpoeng til 41,3 prosent i fylkestingsvalet i Sør-Trøndelag.

Som fylkesordførar har Sandvik særleg vore oppteken av regional næringspolitikk, og har mellom anna vore med-initiativtakar til næringspolitisk regionalsamarbeid med Kina, og det bedriftsretta programmet «Innflagging Trøndelag». Han har også styrkt samarbeidet mellom styresmakter og NTNU, SINTEF og næringsliv i trøndelagsregionen.

Sandvik var i ein periode frå 2001 statssekretær i Nærings- og handelsdepartementet, og seinare prosjektdirektør i IT-selskapet Extend AS. Før dette var han ungdomssekretær i LO i Sør-Trøndelag og visepresident i europeisk LO sin ungdomsorganisasjon, ETUC Youth.

Sandvik gav i 2004 ut boka Et nytt nei saman med partifellane Wegard Harsvik, Jo Stein Moen og Anne Marit Bjørnflaten.

Kjelde

• Denne artikkelen bygger på «Tore O. Sandvik» frå Wikipedia på bokmål, den 1. oktober 2011.

Bakgrunnsstoff

• Et nytt nei

Sitjande fylkesordførarar i Noreg

Akershus: Nils Aage Jegstad (H) Aust-Agder: Bjørgulv S. Lund (H) Buskerud: Morten Eriksrød (H) Finnmark: Runar Sjåstad (Ap) Hedmark: Dag Rønning (Sp) Hordaland: Tom-Christer Nilsen (H) Møre og Romsdal: Jon Aasen (Ap) Nordland: Sonja Alice Steen (Ap) Nord-Trøndelag: Gunnar Viken (H) Oppland: Gro Lundby (Ap) Oslo: Marianne Borgen (SV) Rogaland: Janne Johnsen (H) Sogn og Fjordane: Åshild Kjelsnes (Ap) Sør-Trøndelag: Tore O. Sandvik (Ap) Telemark: Terje Riis-Johansen (Sp) Troms: Knut Werner Hansen (Ap) Vest-Agder: Terje Damman (H) Vestfold: Per-Eivind Johansen (H) Østfold: Ole Haabeth (Ap)