Terje Riis-Johansen

Frå Wikipedia – det frie oppslagsverket
Gå til: navigering, søk
Terje Riis-Johansen
none
Fødd 15. mars 1968

Skien

Parti Senterpartiet
1. verv Fylkesordførar i Telemark
 - periode 5. oktober 2011–13. oktober 2015
 - føregjengar Gunn Marit Helgesen
 - etterfylgjar Sven Tore Løkslid
2. verv Norsk olje- og energiminister
 - periode 20. juni 2008–4. mars 2011
 - regjering Stoltenberg II
 - føregjengar Åslaug Haga
 - etterfylgjar Ola Borten Moe
3. verv Norsk landbruks- og matminister
 - periode 17. oktober 2005–20. juni 2008
 - regjering Stoltenberg II
 - føregjengar Lars Sponheim
 - etterfylgjar Lars Peder Brekk
4. verv Stortingsrepresentant
 - periode 1. oktober 1993–30. september 1997

Terje Riis-Johansen (fødd 15. mars 1968) er ein norsk senterpartipolitikar frå Skien. Han var landbruks- og matminister 2005 - 2008 og olje- og energiminister i Jens Stoltenberg si andre regjering 2008-2011. Riis-Johansen gjekk av 4. mars 2011 og vart etterfølgd av partifellen Ola Borten Moe. 5. oktober 2011 vart han vald til fylkesordførar i Telemark og sat til 2015.

Riis-Johansen er utdanna innan agronomi og landbruksteknikk. Ved kommune- og fylkestingsvalet i 1991 vart han vald inn i Skien bystyre og Telemark fylkesting for Senterpartiet, og i 1993 vart han vald inn på Stortinget, men mista plassen sin der i 1997. Frå 17. oktober 2005 og fram til 20. juni 2008 var han statsråd i Landbruks- og matdepartementet i same regjeringa Stoltenberg II.

Under regjeringa Bondevik I var han rådgjevar i Finansdepartementet. Han var fram til han vart utnemnd som statsråd styremedlem i Noregs Bondelag (20002005). Elles har Riis-Johansen mellom anna vore sentralstyremedlem i Norges Bygdeungdomslag (19891991) og nestleiar i Nei til EU (19951997).

I 2009 vart Riis-Johansen trekt inn i ein kritikk av Innovasjon Norge, då det kom fram at han i 2007 fekk 500 000 kroner i rein støtte frå innovasjonsføretaket for å pusse opp ein fjøs.[1]

Terje Riis-Johansen er gift og har tre ungar.

Kjelder[endre | endre wikiteksten]

Referansar[endre | endre wikiteksten]

  1. «Frp: – Støtter bønder mer enn gründere» av Cathrine Graff på TV2Nyhetene.no (21.06.2009).