Wild Thing av The Troggs
| Wild Thing Singel av The Troggs | ||
| B-side |
| |
|---|---|---|
| Utgjeve | 22. april 1966 | |
| Studio | Olympic Sound i London | |
| Sjanger | ||
| Lengd | 2:30 | |
| Selskap | ||
| Tekstforfattar | Chip Taylor | |
| Låtskrivar(ar) | Chip Taylor | |
| Produsent | Larry Page | |
| Britisk The Troggs-kronologi | ||
| Lost Girl (1965) |
Wild Thing | With a Girl Like You (1966) |
| Amerikansk The Troggs-kronologi | ||
| Wild Thing | I Can't Control Myself (1966)
| |
«Wild Thing» er ein song skriven av amerikanske Chip Taylor og gjort populær av det engelske rockebandet The Troggs. Han vart opphavleg spelt inn og gjeven ut av det amerikanske rockebandet The Wild Ones i 1965,[5] men denne selde ikkje så godt. Versjonen til The Troggs nådde toppen av Billboard Hot 100 og andreplassen på UK Singles Chart i 1966, og er rangert på 257. plassen på lista til Rolling Stone over dei 500 beste songane gjennom tidene.[6] Han er òg blitt spelt av mange andre musikarar.
The Wild Ones[endre | endre wikiteksten]
The Wild Ones var husband på nattklubben Arthur i New York City. Sjølv om dei hadde gjeve ut eit album, hadde det ikkje seld så godt som bandet håpte, og produsenten deira Gerry Granahan tok kontakt med Chip Taylor for å be han skrive ein song dei kunne gje ut på singel. Granahan produserte innspelinga til The Wild Ones med Chuck Alden på vokal. Singelen kom ut i november 1965, men selde årleg.[7]
The Troggs-versjonen[endre | endre wikiteksten]
På grunn av ein strid om distribusjonsavtalen for singelen, vart versjonen til The Troggs gjeven ut på to konkurrerande selskap: Atco Records og Fontana Records.[8] Fordi begge trykka var teken frå den same masterinnspelinga, kombinerte Billboard salet for begge utgåvene, og han vart den einaste singelen som nådde toppen av lista for to forskjellige selskap.[9]
På Atco-utgåva er låtskrivarane krediterte for feil song der «Wild Thing» er tilskriven Reg Presley (vokalisten i Troggs) og B-sida, «With a Girl Like You», til Chip Taylor. Dette er korrekt på Fontana, men B-sida inneheld ein annan song, «From Home», av Reg Presley.
Songen gjekk inn på Billboard Hot 100-lista den 25. juni 1966. To veker seinare (9. juli) klatra han frå 47. plassen til sjetteplassen. Songen låg så to veker på andreplassen, medan «Hanky Panky» av Tommy James and the Shondells låg på toppen. 30. juli 1966 nådde «Wild Thing» toppen av lista og vart liggande der i to veker. Songen låg i alt 11 veker inne på lista, åtte av dei på Topp 10. I Canada nådde singelen andreplassen på RPM-lista den 8. august 1966.
The Troggs spelte inn ein ny versjon av songen i 1993, og denne nådde 87. plassen på UK Singles Chart.
Salslister[endre | endre wikiteksten]
| Liste (1966) | Plassering |
|---|---|
| Austria[10] | 5 |
| Belgia[11] | 15 |
| Tyskland[12] | 7 |
| Nederland[13] | 5 |
| UK Singles Chart[14] | 2 |
| US Billboard Hot 100[15] | 1 |
Andre versjonar[endre | endre wikiteksten]
«Wild Thing» er blitt spelt inn av fleire andre artistar:
- The Jimi Hendrix Experience spelte ein dramatisk versjon av songen på Monterey Pop Festival i 1967.[16] Framføringa vart fanga på film i dokumentarfilmen Monterey Pop frå 1967. Hendrix spelte inn songen live og gav han ut på samlealbumet The Ultimate Experience. Hendrix sette fyr på gitaren sin då songen var over.[17]
- I 1967 gav gruppa Senator Bobby ut ein versjon av «Wild Thing», sungen av komikaren Bill Minkin for å etterlikne senatoren Bobby Kennedy. Singelen nådde 20. plassen i USA.
- Den britiske gruppa Fancy spelte inn ein versjon av songen i 1974, som nådde 14. plassen på Billboard Hot 100.
- Det Los Angeles-baserte punkbandet X ein versjon av songen i 1984. Han vart seinare nytta i filmen Major League i 1989 og i oppfølgjaren Major League II i 1994.
- Den franske songaren Amanda Lear spelte inn «Wild Thing» i 1986 på albumet hennar Secret Passion og som singel i 1987.[18]
- Komikaren Sam Kinison spelte inn ein komisk versjon i 1988, og denne nådde 18. plassen på Album Rock Tracks-lista til Billboard. I musikkvideoen kan ein sjå fleire kjende rockemusikarar som Rodney Dangerfield, Steven Tyler og Joe Perry frå Aerosmith, Slash og Steven Adler frå Guns N' Roses, Billy Idol, C.C. DeVille frå Poison, Jon Bon Jovi og Richie Sambora frå Bon Jovi, Stephen Pearcy, Warren DeMartini og Robbin Crosby frå Ratt og Tommy Lee.
- Ein versjon av Cheap Trick vart nytta i filmen Encino Man i 1992 og kom ut på filmmusikkalbumet.
- Den australske rockeduoen Divinyls spelte inn songen i 1993 for filmmusikkalbumet Reckless Kelly. Han nådde 39. plassen på den australske singellista.[19]
Kjelder[endre | endre wikiteksten]
- Denne artikkelen bygger på «Wild Thing (Chip Taylor song)» frå Wikipedia på engelsk, den 3. april 2018.
- Wikipedia på engelsk oppgav desse kjeldene:
- ↑ Stiernberg, Bonnie. «The 50 Best Garage Rock Songs of All Time». Paste. Arkivert frå originalen 1. august 2017. Henta 15. mai 2016.
- ↑ Nick Talevski (7. april 2010). Rock Obituaries - Knocking On Heaven's Door. Omnibus Press. s. 342. ISBN 978-0-85712-117-2.
- ↑ Peter Doggett (27. august 2015). Electric Shock: From the Gramophone to the iPhone – 125 Years of Pop Music. Random House. s. 421. ISBN 978-1-4481-3031-3.
- ↑ Dylan Jones (14. august 2014). Elvis Has Left the Building: The Day the King Died. The Overlook Press. s. 68. ISBN 978-1-4683-1042-9.
- ↑ Original United Artists press release for «Wild Thing» by the Wild Ones
- ↑ «Rolling Stone : The RS 500 Greatest Songs of All Time». www.rollingstone.com. 2006. Arkivert frå originalen 25. juni 2008. Henta 4. april 2018.
- ↑ «Justin Tricarico / The Wild Ones without Jordan». justintricarico.pbworks.com. Henta 4. april 2018.
- ↑ Billboard Magazine. Nielsen Business Media, Inc. 6. juli 1966. ISSN 0006-2510.
- ↑ Mojo #173 (April 2008), p. 39
- ↑ «Discographie The Troggs» (på tysk). austriancharts.at. Henta 4. april 2018.
- ↑ «The Troggs - Wild Thing» (på nederlandsk). www.ultratop.be. Henta 4. april 2018.
- ↑ «Offizielle Deutsche Charts - Offizielle Deutsche Charts» (på tysk). www.offiziellecharts.de. Henta 4. april 2018.
- ↑ «Discografie The Troggs» (på nederlandsk). dutchcharts.nl. Henta 4. april 2018.
- ↑ «TROGGS | full Official Chart History | Official Charts Company». www.officialcharts.com. Henta 4. april 2018.
- ↑ «The Troggs Chart History». www.billboard.com. Henta 4. april 2018.
- ↑ Gilliland, John (1969). «Show 53 - String Man. : UNT Digital Library» (audio). Pop Chronicles. Digital.library.unt.edu.
- ↑ «Show 47 - Sergeant Pepper at the Summit: The very best of a very good year. [Part 3] : UNT Digital Library». Digital.library.unt.edu. Henta 4. april 2018.
- ↑ «WILD THING 1987 France». amandalear_singoli.tripod.com. Henta 8. oktober 2009.
- ↑ Steffen Hung. «Divinyls - Wild Thing». australian-charts.com. Henta 4. april 2018.
| 262: «I Can See for Miles» The Who |
Plassering på lista til Rolling Stone frå 2010 over dei 500 beste songane gjennom tidene 261 «Wild Thing» The Troggs |
260: «Mississippi» Bob Dylan |
- Songar frå 1965
- Singlar frå 1966
- Singlar frå 1987
- Singlar frå 1993
- Atco Records-singlar
- Songar på toppen av Billboard-lista
- Carrere Records-singlar
- Fontana Records-singlar
- Hansa Records-singlar
- Songar skrivne av Chip Taylor
- The Troggs-songar
- Amanda Lear-songar
- Jimi Hendrix-songar
- Divinyls-songar
- Beste songar gjennom tidene hos Rolling Stone