Åte

Åte er eit ord som har fleire tydingar.

Jakt og fiske

Åte kan nyttast til å jakte på rovdyr. Ved å leggje ut åte eller lokkemat, som til dømes kan vere eit åtsel eller eit stoff med liknande lukt, kan ein trekkje rovdyr til åtet, medan jegeren ligg i skjul til dyret er på skothald. Åte kan òg nyttast til å lure dyr inn i ei felle, som til dømes ei musefelle.

Agn er åte som ein nyttar som lokkemat for fisk. Fiskaren kan då setje agnet på ein ongul for å få fisken til å bite over kroken.

Andre tydingar

• Åte er eit fellesnamn på dyreplankton eller fiskeyngel i havet. Dette er viktig næring for fisk og kval.
• Åte kan òg tyde ein stim av fisk, som ei åte med sild.
• Å strø åte vil seie å strø jord eller grus på snøen om våren for at han skal smelte raskare. Dette vert òg kalla aure, mele, volde eller mylde.

Kjelder

• Nynorskordboka
• «Åte» i Caplex.
• Norsk historisk leksikon 2. utgåve, 3. opplag (2004)