Ørsta/Volda lufthamn, Hovden

Ørsta/Volda lufthamn, Hovden sett frå Saudehornet i august 2010 - sentrale delar av Hovdebygda i framgrunnen

Ørsta/Volda lufthamn, Hovden er ei lufthamn som vert eigd og driven av Avinor AS. Lufthamna ligg midt mellom bygdebyane Ørsta og Volda i Møre og Romsdal fylke. Plasseringa er direkte i tettstaden Hovdebygda i Ørsta kommune. Flyplassen vart opna den 1. juli 1971 i samband med utbygginga av det norske kortbanenettet. Flyplassen er på 866 x 30 m med asfaltdekke.

Flyselskapet Widerøes Flyveselskap ASA driv ruteflyging til lufthamna. Det går rutefly til Bergen lufthamn, Flesland og Oslo lufthamn, Gardermoen, via Sogndal lufthamn, Haukåsen eller som direktefly til Oslo.

Opninga av Eiksundsambandet, del av Riksveg 653 den 23. februar 2008 medførte betra rutetilbod og stor trafikkauke for Ørsta/Volda lufthamn. Ca 22.000 innbyggarar i øykommunane Sande, Herøy, Ulstein og Hareid fekk ferjefritt fastlandsamband, og kom innanfor grei køyreavstand til flyplassen (30-45 minutt) - flyplassen ligg ca 1 km frå krysset der Riksveg 653 kjem inn på Europaveg 39. Widerøe auka talet på ruter, og passasjertalet gjekk kraftig opp.

Volda Ørsta flyklubb har Hovden som base.

Bakgrunnsstoff

• Avinor si side om Ørsta/Volda lufthamn, Hovden