Øystein Vidnes
| Øystein Vidnes | |
| Statsborgarskap | Noreg |
| Fødd | 18. august 1976 (48 år) Fiskå |
| Yrke | skribent |
Øystein Vidnes (fødd 18. august 1976 i Fiskå i Vanylven) er ein norsk forfattar, formgjevar og omsetjar. Han er busett i Leikanger.
Vidnes fullførte vidaregåande skule i Volda i 1995, og vart våren 1999 cand.mag. ved Universitetet i Bergen med mellomfag i medievitskap og allmenn litteraturvitskap. Han gjekk ved Skrivekunstakademiet i Hordaland i året etter. Vidnes har skrive to bøker til no, Bondeforteljingar frå 2002 og Ekstasar frå 2006, og har i 2009 omsett ein del dikt av Fernando Pessoa og romanen Veslebror ser deg av Cory Doctorow. Mellom 2005 og 2013 har han vore formgjevar i tidsskriftet Vagant og bokmeldar i Morgenbladet. Han lagar bokomslag og bøker for forlag i Noreg og Danmark.
Bøkene hans er humoristiske og eksperimentelle, og til tider nesten surrealistiske. Bondeforteljingar inneheld moderne og ironiske versjonar av tradisjonelle bondeforteljingar, og han parodierer også stereotypiar av bønder. I Ekstasar møter lesaren ein ein mentalt ustabil ordførar som brått vert anarkist.
Vidnes fekk i 2010 Kulturdepartementet sin pris for beste omsetjing for boka Veslebror ser deg. Vidnes har vunne fleire prisar i kåringa Årets vakreste bøker. I 2015 fekk han tildelt gull for utforminga og illustrasjon av romanen MS Liv av Rolf Sagen.
Bibliografi
[endre | endre wikiteksten]Bøker
[endre | endre wikiteksten]- 2002 – Bondeforteljingar (Oslo: Samlaget). ISBN 82-521-6115-4 I fulltekst ved nb.no
- 2006 – Ekstasar (Oslo: Samlaget). ISBN 82-521-6867-1 [roman]
- 2009 – Globaliseringsboka (Oslo: Samlaget). ISBN 978-82-521-7347-5 [Av: Teresa Grøtan ; illustrasjonar: Øystein Vidnes]
Gjendiktingar - eit utval
[endre | endre wikiteksten]- 2009 – 2 dikt om modernitet (Oslo: Flamme). ISBN 978-82-02-29139-6 [Av: Alvaro de Campos og Fernando Pessoa ; gjendikta av Øystein Vidnes]
- 2012 – Alberto Caeiros poesi (Oslo: Flamme). ISBN 978-82-02-36809-8 [Av Fernando Pessoa, gjendikta av Øystein Vidnes]
Omsetjingar - eit utval
[endre | endre wikiteksten]- 2009 – Veslebror ser deg (Oslo: Samlaget). ISBN 978-82-521-7331-4 [Roman. Av Cory Doctorow, omsett frå engelsk av Øystein Vidnes]
- 2013 – Jenta (Oslo: Skald). ISBN 978-82-7959-189-4 [Forfattar: Angelika Klüssendorf. Originaltittel: Das Mädchen. Frå tysk ved Øystein Vidnes]
- 2016 – Frankenstein eller den moderne Prometevs (Leikanger: Skald). ISBN 978-82-7959-249-5 [Av: Mary Shelley; omsett frå engelsk av Øystein Vidnes]
- 2017 – Tre kvinner (Leikanger: Skald). ISBN 978-82-7959-256-3 [Noveller. Forfattar: Robert Musil. Originaltittel: Drei Frauen. Frå tysk ved Øystein Vidnes]
- 2019 – Sjakknovelle : og andre tekstar (Leikanger: Skald). ISBN 978-82-7959-286-0 [Forfattar: Stefan Zweig. Inngår i serien Skalds klassikarar; omsett frå tysk av Øystein Vidnes]
- 2019 – Stormfulle høgder (Leikanger: Skald). ISBN 978-82-7959-277-8 [Forfattar: Emily Brontë. Inngår i serien Skalds klassikarar; omsett frå engelsk av Ragnar Hovland og Øystein Vidnes]
I bøker - eit utval
[endre | endre wikiteksten]- 2016 – Fantasiboka : nynorske forteljingar (Leikanger: Skald). ISBN 978-82-7959-239-6 [Av innhaldet: Dei beinlause / Øystein Vidnes]
Kjelder
[endre | endre wikiteksten]- «Øystein Vidnes» i Allkunne, innhenta 28. juli 2010.
- Skald forlag