Ragnar Hovland

Ragnar Hovland
Nasjonalitet	Norsk
Fødd	15. april 1952 (61 år)
Yrke	Forfattar
Periode	1979-
Debut	Alltid fleire dagar

Ragnar Hovland (fødd 15. april 1952) er ein norsk forfattar, dramatikar og omsetjar fødd i Bergen.

Hovland voks opp i Strandvik i Midthordland og Luster i Sogn og var gymnastida i Stavanger. Han utdanna seg til cand.philol med engelsk, fransk og litteratur frå Universitetet i Bergen i perioden 1972–80, og arbeidde sidan som medredaktør i tidsskriftet TUN, før han var lektor på Husnes i Sunnhordland frå 1980 til 84. Han var sidan lærar ved Skrivekunstakademiet i Hordaland i perioden 1987–92, før han fekk base i Oslo. Ragnar Hovland debuterte som forfattar i 1979 med romanen Alltid fleire dagar. Han skriv for barn, ungdom og vaksne, på nynorsk. Han har motteke ei rekkje prisar for forfattarskapen sin.

Ragnar Hovland er òg musikar. Han spelar keyboard og syng i bandet Dei nye kapellanane. Han har gjendikta Stephen Sondheims musikal Sweeney Todd til nynorsk.

I 1997 var Ragnar Hovland festspeldiktar ved Dei Nynorske Festspela. I mai 2008 var han festspeldiktar til Dei Litterære Festspela i Bergen.

Ragnar Hovland er dotterson til Bjørgvin-bispen og bibelomsetjaren Rangvald Indrebø.

Bibliografi

• Stille natt (roman) 2011
• Kunsten å komme heim og andre essay (essays) 2011
• Dr. Munks popleksikon (oppslagsverk/ sjølvbiografi) 2008
• Fredlaus (barne- og ungdomsbok) 2006
• 1964 (roman) 2006
• Brevet (lettlestbok) 2006
• Verdt å vite (trur eg) (essays) 2002
• Norske gleder (essays) 2002
• Ei vinterreise 2001
• Åleine i Alpane (jubileumsbok) 1999
• Halve sanninga : Tre versjonar 1998
• Detektivforteljing (barnebok) 1998
• Katten til Ivar Aasen møter hunden frå Baskerville (og andre dikt) 1996
• Norrøne gudar (sakprosa) 1996
• Dr. Munks testamente (roman) 1996
• Eline og Julie tar ferja (roman) 1994
• Ein dag i Sherwoodskogen (barnebok) 1994
• Bjørnen Alfred og hunden Samuel forlet pappkartongen (barnebok) 1993
• Over Bali og Hawaii (drama) 1992
• Ei lang reise (barnebok) 1992
• Ein motorsykkel i natta (roman) 1992
• Paradis (roman) 1991
• Gjest Baardsen døyr aleine ved Nilens breidd (drama) 1990
• Konspirasjonar (essays) 1990
• Sjølvmord i Skilpaddekaféen (prosa) 1989
• Mercedes (ungdomsroman) 1989
• Skrivestadier 1989
• Utanfor sesongen (roman) 1988
• Love me tender (drama) 1988
• Emil og kaffikokaren (barnebok) 1987
• Sjømannen, tante Elida og dei største eventyr (barnebok) 1986
• Elefantmusikken (dikt) 1985
• Professor Moreaus løyndom (roman) 1985
• Bussen til Peking (tekstar) 1984
• Jakta på Salamanderen (barnebok) 1983
• Under snøen (roman) 1983
• Sveve over vatna (roman) 1982
• Vegen smal og porten trang : historier 1981
• Den flygande sykkelen og andre forteljingar (barnebok) 1981
• Det får stå til (barnebok) 1980
• Alltid fleire dagar (roman) 1979

Prisar

• Aschehougprisen 2012
• Bastianprisen for omsetjing av Roald Dahl: Georgs magiske medisin 2008.
• Doblougprisen 2008
• Kritikarprisen for barne- og ungdomslitteratur for Fredlaus 2006
• Noregs Mållags barnebokpris 2006
• Ordknappen 2006 for Brevet
• Sunnmørsprisen 2002 for Norske gleder.
• Samlagsprisen 2002
• Kritikerprisen 2001
• Nynorsk litteraturpris 2001 for Ei vinterreise
• Noregs Mållags barnebokpris 1994
• Brageprisen 1992
• Melsomprisen 1990
• Omsetjarpris frå KUD 1989
• Målrockprisen 1987 saman med Atle Hansen
• Noregs Mållags barnebokpris 1986
• Førsteprisvinnar i Eides barnebokkonkurranse 1985
• Ein av tre vinnarar i Samlagets romankonkurranse 1985
• Noregs Mållags barnebokpris 1981
• Kultur- og vitenskapsdepartementets debutantpris 1980

Bakgrunnsstoff

Wikifrasar har ei sitatsamling som gjeld: Ragnar Hovland

• Digitaliserte bøker av Ragnar Hovland hjå Nasjonalbiblioteket
• NRK: Lydfiler med Ragnar Hovland
• Ragnar Hovland på nettstaden til Norske Dramatikeres Forbund
• Ragnar Hovland i NRK Forfatter
• Ragnar Hovland i Dagbladet Forfatter

Referansar

Denne litteraturartikkelen er ei spire. Du kan hjelpe Nynorsk Wikipedia gjennom å utvide han.