Alan Freed

Alan Freed
Statsborgarskap	USA
Fødd	15. desember 1921 Windber, Johnstown
Død	20. januar 1965 (43 år) Palm Springs
Yrke	DJ, radioprogramleiar, låtskrivar
Språk	engelsk
Nettstad	http://www.alanfreed.com/
Alan Freed på Commons

Alan Freed (15. desember 1921–20. januar 1965), òg kjend som Moondog, var ein amerikansk DJ som vart internasjonalt kjend for å marknadsføre afroamerikansk rhythm and blues-musikk på radio i USA og Europa som rock and roll, og vert rekna som den første som kalla musikksjangeren dette. Mange store afroamerikanske artistar frå den første generasjonen rock and roll-artistar (som Bo Diddley, Little Richard og Chuck Berry) har hylla Alan Freed for haldningane han hans som var med å bryte ned rasegrensene for ungdomen på 1950-talet i USA. Karrieren hans vart øydelagd av payola-skandalen som råka kringkastingsindustrien tidleg i 1960-åra. Han gjekk ut på at radiokanalar fekk betalt av plateselskap for at dei skulle spele artistane deira.

Freed døydde 43 år gammal i Palm Springs i California i 1965 av urinforgifting og skrumplever etter mange år med alkoholmisbruk. I 1986 vart Freed ein del av den første gruppa som vart medlem av Rock and Roll Hall of Fame, som vart bygd i Cleveland til ære for Freed sin medverknad i marknadsføringa av rockesjangeren.

Kjelder

• Denne artikkelen bygger på «Alan Freed» frå Wikipedia på engelsk, den 6. september 2008.
  • Wikipedia på engelsk oppgav desse kjeldene:
    • Big Beat Heat: Alan Freed and the Early Years of Rock & Roll, av Jackson, John A. - Schirmer Books, 1991. ISBN 0-02-871155-6
    • The Pied Pipers of Rock 'N' Roll: Radio Deejays of the 50s and 60s, av Smith, Wes (Robert Weston). - Longstreet Press, 1989. ISBN 0-929264-69-X

Bakgrunnsstoff

• http://www.alanfreed.com/
• Rock and Roll Hall of Fame om Alan Freed
• http://www.history-of-rock.com/freed.htm