Little Richard

Frå Wikipedia – det frie oppslagsverket
Gå til: navigering, søk
Little Richard
Little Richard in 2007.jpg
Little Richard spelar i mars 2007
Verkeleg namn Richard Wayne Penniman
Alias The True queen Of Rock 'n' Roll
The Originator, The Emancipator, The Architect Of Rock 'n' Roll; The queen of Rockin' an Rollin' Rhythm & Blues Soulin', The Georgia Peach
Fødd 5. desember 1932
Instrument Vokal
Piano
Keyboard
Sjanger Rhythm & Blues
Rock & roll
Soul
Gospel
Aktive år 1951 - til i dag

Richard Wayne Penniman (fødd 5. desember 1932), kjend som Little Richard, er ein amerikansk songar, låtskrivar og pianist, og var ein pioner i musikksjangeren rock and roll. Han vart fødd i Macon i Georgia, og var sterkt inspirert av gospel.

Little Richard fekk eit gjennombrot med songen «Tutti Frutti» i 1955, og følgd opp med ein serie internasjonale hittar: «Long Tall Sally», «Rip It Up», «Lucille», «Jenny Jenny», «Keep A Knockin’», «Good Golly Miss Molly», «Ooh! My Soul» og fleire andre. I Noreg var hans største hit «Baby Face» i 1957.

Han var ein av dei sju første som vart innlemma i Rock and Roll Hall of Fame i 1986.

Little Richard sine første songar var ei blanding av boogie-woogie, rhythm and blues og gospel, men ofte med eit markant etterslag, funky saksofonlinjer og ru, skrikande vokal, stønn, skrik og anna. I 1957 medan karrieren var på eit toppunkt vart han andeleg gjenfødd som kristen og melde seg inn på ein bibelskule og trekte seg tilbake frå musikkindustrien.[1] Sidan den gong har han via mykje av livet sitt til dette kallet.[1]

Little Richard har vorte hylla av mange andre artistar. James Brown kalla Little Richard idolet sitt[1] og sa han var den første som putta funk i ein rock and roll-rytme.[2] I High School-årboka si skreiv Bob Dylan at ambisjonen hans «var å følgje Little Richard» og i 1959 fortalde Elvis Presley om Little Richard «Your music has inspired me - you are the greatest.»[1] Otis Redding, John Lennon, Paul McCartney, George Harrison, Ringo Starr, Mick Jagger, Keith Richards, Pete Townshend, Roger Daltry, John Fogerty, Dick Dale, Bob Seger, Jimi Hendrix, Robert Plant, Jimmy Page, Jeff Beck, Eric Clapton, David Bowie og mange andre rock n' roll-ikon har òg omtalt Little Richard som ein av dei største inspirasjonskjeldene sine. Av Rolling Stone vart han plassert på 8. plass på lista deira over dei 100 største musikkartistane gjennom tidene.[3], men seks av sju artistar føre han på lista er nemnd over av dei som hadde han som inspirasjonskjelde.

Kjelder[endre | endre wikiteksten]

  1. 1,0 1,1 1,2 1,3 White, Charles. (2003). The Life and Times of Little Richard: The Authorised Biography. Omnibus Press.
  2. Little Richard. Rock and Roll Hall of Fame.
  3. The Immortals: The First Fifty : Rolling Stone
Spire Denne musikkartikkelen er ei spire. Du kan hjelpe Nynorsk Wikipedia gjennom å utvide han.