Arthur Waskow
| Arthur Waskow | |
 | |
| Statsborgarskap | USA |
| Fødd | 1933 (91 år) Baltimore |
| Yrke | rabbinar, historikar, skribent, universitetslærar |
| Språk | engelsk |
| Religion | Jødedommen |
| Ektefelle | Phyllis Berman |
Arthur Waskow (fødd i 1933) er ein amerikansk rekonstruksjonistisk rabbinar som av svært mange blir rekna som ein av leiarane av Jewish Renewal-rørsla. Han har vore involvert i Renewal-rørsla sidan 1969, og han er ein «stifinnar» i ALEPH: the Alliance for Jewish Renewal. Han er grunnleggjar og leiar av The Shalom Center, ein organisasjon som arbeider for å «verne og heile jorda» på måtar funderte på jødisk tankegods og praksis.
Waskow har skrive fleire bøker — mellom anna Godwrestling (1978), Seasons of our joy (1982) og Down-to-earth Judaism (1995). Han var ein av skaparane av fridomssederen i 1969 og er grunnleggjar og redaktør for tidsskriftet New Menorah. Waskow har òg undervist ved the Reconstructionist Rabbinical College og i religionsdepartementa ved fleire amerikanske universitet. Han underviser òg ved Elat Chayyim, det transdenominasjonelle jødiske retreat-sentret i Catskills.