Charles-Marie Widor

Frå Wikipedia – det frie oppslagsverket
Gå til: navigering, søk
Charles-Marie Widor

Charles-Marie Jean Albert Widor (fødd 21. februar 1844 i Lyon, død 12. mars 1937 i Paris) var ein fransk organist og komponist. Han er mest kjent for toccataen frå Symfoni for orgel nr 5, som ofte vert spelt i bryllaupsseremoniar.

Han vart fødd i Lyon, og studerte musikk under faren sin, som òg var organist. Han fekk den første større jobben sin som organist i kyrkja Saint-Sulpice i Paris i 1870. I 1890 tok han over etter César Franck som orgelprofessor ved Pariskonservatoriet, der han seinare òg vart komposisjonsprofessor.

Fleire av studentane hans vart òg kjende, mellom andre Darius Mailhaud, Louis Vierane og Marcel Dupré. Widor skreiv musikk for ei lang rekkje instrument og ensemble, men verka hans for orgel blir oftast spelte. Komposisjonane hans inneheld mellom andre 10 orgelsymfoniar, ei messe for to orgel og to kor, symfoniar for orgel og orkester, nokre operaer med meir. Komplett verkliste finst på Classical Composers.

Kjelder[endre | endre wikiteksten]