Elias Didrichsen

Elias Didrichsen
	Elias Didrichsen
Fødd	12. januar 1824; Moi
Død	18. april 1888 (64 år)
Statsborgar av	Noreg
Parti	Høgre, Venstre
Yrke	politikar, lærar
Far	Didrik Sigbjørnsen
Alle verv	stortingsrepresentant (1871–1873); stortingsrepresentant (1874–1876); vararepresentant til Stortinget (1877–1879); stortingsrepresentant (1880–1882); stortingsrepresentant (1883–1885); stortingsrepresentant (1886–1888) ;

Elias Didrichsen (12. januar 1824–18. april 1888) var ein lærar, kjøpmann og stortingsmann frå Moi i Rogaland. Didrik Sigbjørnsen var far hans.

Didrichsen vart seminarist frå Holt seminar i 1842, Dei neste tre åra var han privatlærar i Sokndal. I 1845 vart han tilsett som førstelærar ved folkeskulen i Flekkefjord, ei stilling han hadde til han i 1873 vart styrar og rekneskapsførar for brennevinssamlaget i byen. Han var medlem av bystyret frå 1851 til han døydde, i til saman fjorten år var han ordførar. Forlikskommisær frå 1867.

Didrichsen representerte Flekkefjord på Stortinget periodane 1871-76 og 1880-88. Både 1871-73, 1874-76 og 1880-82 var han medlem av kyrkjekomiteen, sekretær 1876 og 1880-82. Dei to siste valperiodane på Stortinget var han medlem av næringskomite nr 2.

Våren 1888 døydde han i Kristiania under stortingsopphaldet.

Kjelder[endre | endre wikiteksten]

Lindstøl, Tallak (1914). «Didrichsen, Elias». Stortinget og statsraadet: 1814-1914. Kristiania: Steenske bogtrykkeri. s. 193.
Biografisk informasjon om Elias Didrichsen NSD Norsk senter for forskningsdatas politikararkiv