Ella

Ella er eit kvinnenamn danna som ei kortform av namn som byrjar på El-, som Ellinor eller Elisabeth, eller for namn som sluttar på -ella, som Gabriella eller Donatella.^[1] Det kan også vera ei kjæleform av Ellen.^[2]

Ella har namnedag både i Noreg og Sverige den 19. februar.

Tyding[endre | endre wikiteksten]

I den siste namnetypen er -ella eit kvinneleg diminutiv. Det er òg gjort framlegg om at namnedelen kan ha samanheng med den germanske namneendinga -ali, som tyder annleis eller framand. Andre igjen bind Ella saman med namn som Eline eller Elena, som igjen kjem frå Helena og tyder strålande.

På moderne hebraisk betyr namnet «gudinne» og er danna av det hebraiske el, «Gud», eller eli, «min Gud».

Bruk[endre | endre wikiteksten]

Namnet har vore mykje brukt i den engelsktalande verda, og har i dag aukande popularitet. Ella er blant dei hundre mest brukte namna i USA, og blant dei tjue mest brukte i Irland samt England og Wales sett under eitt. Også i Noreg har namnebruken auka kraftig sidan rundt 1995, og i Sverige var namnet det ellevte mest gjevne i 2004.

Kjende namneberarar[endre | endre wikiteksten]

Ella Christie (1861–1949), skotsk utforskar
Ella Dyberg (1890-1965), svensk songar og komponist
Ella Kivikoski (1901-1990), finsk arkeolog
Ella Baker (1903-1986), afroamerikansk borgarrettsforkjempar
Ella Hval (1904-1994), norsk skodespelar
Ella Rosén (1911-1984), svensk skodespelar
Ella Fitzgerald (1917-1996), afroamerikansk jazzsongar, som mellom anna gav ut platene Ella & Louis og Ella & Louis again
Ella Holm Bull (1921-2006), sørsamisk forfattar
Ella Gjømle Berg (f. 1971), norsk langrennsløpar
Ella K. Okstad (f. 1973), norsk illustratør

Andre tydingar[endre | endre wikiteksten]

Ella er òg eit spansk pronomen som tyder henne.

Kjelder[endre | endre wikiteksten]

↑ Hanks, Patrick; Hardcastle, Kate; Hodges, Flavia (2006). «Ella». A Dictionary of First Names (på engelsk) (2. utg.) (Oxford University Press). ISBN 978-0-19-861060-1.
↑ Hanks, Patrick; Hardcastle, Kate; Hodges, Flavia (2006). «Ella». A Dictionary of First Names (på engelsk) (2. utg.) (Oxford University Press). ISBN 978-0-19-861060-1.

Bakgrunnsstoff[endre | endre wikiteksten]

Commons har multimedium som gjeld: Ella

Søk etter norsk namnestatistikk for Ella hjå Statistisk Sentralbyrå
Internasjonal namnestatistikk for Ella på behindthename.com

[1] Hanks, Patrick; Hardcastle, Kate; Hodges, Flavia (2006). «Ella». A Dictionary of First Names (på engelsk) (2. utg.) (Oxford University Press). ISBN 978-0-19-861060-1.

[2] Hanks, Patrick; Hardcastle, Kate; Hodges, Flavia (2006). «Ella». A Dictionary of First Names (på engelsk) (2. utg.) (Oxford University Press). ISBN 978-0-19-861060-1.

[1]

[2]