Halvor Olaus Christensen

Halvor Olaus Christensen (18. februar 1800–10. juni 1891) var ein norsk embetsmann og politikar. Han var byfogd, byskrivar og politimeister i Stavanger i ei årrekkje, og representerte byen på Stortinget.

Christensen var på alle storting mellom 1833 og 1873, bortsett frå sesjonane i 1851, 1857 og 1869. Han var lagtingspresident i 1845, 1854 og 1862-69 og stortingspresident i 1848. Han var medlem i fleire av stortingets viktigaste komitear, og var ofte komiteleiar i desse. Han arbeidde mykje med ulike politiske reformer, som til dømes innføring av årvisst storting og oppheving av statthaldarposten. I spørsmåla kring unionen gjekk han inn for full jamstelling mellom Noreg og Sverige.

Kjelde

• Lindstøl, Tallak:Stortinget og Statsraadet 1814-1914. Kristiania, 1914

Bibliografi

• Denne artikkelen baserer seg heilt eller delvis på det danske Salmonsens konversationsleksikon 2. utgåve (1915–1930).

• PolSys (2009), Halvor Olaus Christensen, Norsk samfunnsvitenskapelig datatjeneste, http://www.nsd.uib.no/polsys/index.cfm?urlname=storting&lan=&MenuItem=N1_1&ChildItem=&State=collapse&UttakNr=33&person=10537