Ismaïl Sghyr
| Ismaïl Sghyr | |
| Statsborgarskap | Frankrike |
| Fødd | 16. mars 1972 (52 år) Taroudant |
| Idrett | friidrett |
| Tok del i | |
Ismaïl Sghyr (fødd 16. mars 1972) er ein marokkansk tidlegare langdistanseløpar som frå 2000 tevla for Frankrike. Han vann sølvmedaljen på 5 000 meter under europameisterskapen 2002.
Aktiv[endre | endre wikiteksten]
16 år gammal flytta Sghyr til Bordeaux i Frankrike, men kom til å representere Marokko til han hausten 1999 vart fransk statsborgar. Han slo gjennom med fjerdeplass på 5 000 meter i Göteborg-VM 1995. Etter å ha vunne 10 000-meteren ved Mellomhavsleikane 1997 vart han same sesongen på ny nummer 4 på 5 000 m under verdsmeisterskapen i Aten.
30. juli 1999 sette Sghyr personbeste på 10 000 meter med 27.12,3 ved DN-galan i Stockholm, slått einast av Paul Tergat frå Kenya. Under Bislett Games i Oslo 28. juli 2000 forbetra han sin personlege rekord og den franske rekorden på 5 000 meter til 12.58,8, endå om han berre vart nummer 7 i tevlinga.
Sghyr representerte Frankrike ved Edmonton-VM 2001 der han vart femtemann på halvmila. Året etter sprang han inn til sølvmedalje på same distansen ved europameisterskapen 2002.
Medaljar og plasseringar i internasjonale meisterskap[endre | endre wikiteksten]
- VM 1995 i Göteborg: Nr 4 på 5 000 m – 13.17,8
- OL 1996 i Atlanta: Nr 11 på 5 000 m – 13.22,8
- VM 1997 i Aten: Nr 4 på 5 000 m – 13.17,4
- VM 1999 i Sevilla: Nr 15 på 10 000 m – 28.41,4
- VM 2001 i Edmonton: Nr 5 på 5 000 m – 13.07,7
- EM 2002 i München: Sølvmedalje på 5 000 m – 13.39,8, bakom Alberto García (13.38,1)
- VM 2003 i Paris: Nr 10 på 10 000 m – 27.54,8
- OL 2004 i Aten: Nr 8 på 10 000 m – 27.57,0
- VM 2005 i Helsinki: Nr 55 i maraton – 2.27.07
Kjelder[endre | endre wikiteksten]
- Denne artikkelen bygger på «Ismaïl Sghyr» frå Wikipedia på tysk, den 13. august 2020.
Bakgrunnsstoff[endre | endre wikiteksten]
- «Smail Sghyr» (på engelsk). olympedia.org. Henta 20. februar 2023.