Karve

Karve (Carum carvi) er ein toårig skjermplante og krydderplante. Planten er vanleg og veks vilt i Noreg. Elles har arten ei sirkumpolar utbreiing.

Planta er kring 4 dm høg med greina stengel og lysgrøne 2-3-dobbelt finna blad med sitjande finnar. Øvre stengelblad har to små finna blad ved grunnen av gladslira. Kvit eller raudleg blomster. Frukt 4 mm lang. Karve blømer kring juni månad i turre bakkar nær og på dyrka mark.

Både rota og blad har vore brukt til mat. Frøa vert brukt som krydder, og er viktige smakssetjarar i akevitt, surkål og pultost. Karve har òg vore brukt som medisin.

Bakgrunnsstoff

• Den virtuella floran - karve
• Karve
• Johannes Lid: Norsk-svensk-finsk flora. Det Norske Samlaget, 1985.

Commons har multimedia som gjeld: Karve

Denne biologiartikkelen er ei spire. Du kan hjelpe Nynorsk Wikipedia gjennom å utvide han.